მოძრავი მსუქნები ზარმაც გამხდრებზე მეტხანს ცოცხლობენ
სამხრეთ კაროლინის უნივერსიტე-ტის სპეციალისტთა ჯგუფმა ჩაატარა კვლევა, რომელშიც 60 წელს გადაცილებული 2 603 ადამიანი მონაწილეობდა. მათ 12 წლის განმავლობაში აკვირდებოდნენ. ამ ხნის მანძილზე 450 კაცი გარდაიცვალა. მეცნიერებმა გააანალიზეს მიღებული მონაცემები და დაასკვნეს, რომ ფიზიკური აქტიურობის ხარისხი მნიშვნელოვან გავლენას ახდენს სიცოცხლის ხანგრძლივობაზე. ყველაზე ნაკლებ მოძრავ მონაწილეთა ჯგუფში ფიზიკურად აქტიურთა ჯგუფთან შედარებით სიკვდილიანობის მაჩვენებელი 4-ჯერ უფრო მაღალი იყო. მეცნიერებმა აღნიშნეს, რომ სულ მცირე გააქტიურებაც კი დადებითად მოქმედებდა კვლევის მონაწილეთა ჯანმრთელობაზე. "თუ ჭარბ წონას უჩივით ან მსუქანი ბრძანდებით და ამას ადინამიურობაც ერთვის, დაიწყეთ დღეში სამჯერ 10-10-წუთიანი გასეირნებით. წონას ვერ დაიკლებთ, მაგრამ ჯანმრთელობის მდგომარეობას ნამდვილად გაიუმჯობესებთ", - განაცხადა კვლევის თანაავტორმა სტივენ ბლერმა. ამერიკის ჯანმრთელობის კონტროლისა და პროფილაქტიკის ცენტრის (ჩDჩ) მონაცემებით, აშშ-ის ყოველი მესამე ზრდასრული მოქალაქე მსუქანია, სპორტს კი ამერიკელების მხოლოდ ნახევარი მისდევს.