როგორ ავიცილოთ თავიდან ბარძაყის ყელის მოტეხილობა
ვერ ხერხდება და შესაძლებელია ლეტალური გამოსავლითაც კი დასრულდეს. ამდენად მნიშვნელოვანია მოტეხილობების, განსაკუთრებით კი ბარძაყის ყელის მოტეხილობის პროფილაქტიკა.
შეამოწმეთ და შეინარჩუნეთ ძვლების სიჯანსაღე
ძვლის ქსოვილის დაქვეითებული სიმკვრივე 2-3-ჯერ ზრდის მოტეხილობის რისკს. ეს გარემოება განსაკუთრებით მნიშვნელოვანია, რადგანაც ქალების 56%-ს და მამაკაცების 18%-ს, 50 წლის შემდეგ, ძვლის მინერალური სიმკვრივე დაქვეითებული აქვთ და ზოგჯერ ის ოსტეოპოროზის კრიტერიუმებსაც კი აკმაყოფილებს. ქალების 40%-ს და მამაკაცების 16%-ს აღენიშნება ოსტეოპენია- ძვლის ქსოვილის სიმკვრივის დაქვეითების მსუბუქი ფორმა.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
50 წლის შემდეგ ქალებისთვის, ასევე რისკ ჯგუფში მყოფი ადამიანებისთვის, რეკომენდებულია ძვლის ქსოვილის სიმკვრივის რეგულარული შემოწმება დენსიტომეტრიის საშუალებით. ეს კველვა 50 წელს გადაცილებული ქალებისთვის რეკომენდებულია 2 წელიწადში ერთხელ. 70 წელზე ზემოთ მამაკაცებისთვის და იმ პირთათვის, რომლებიც ხანგრძლივი დროის განმავლობაში იღებდნენ კორტიკოსტეროიდებს, რეკომენდებულია ოსტეოპოროზზე სკრინინგის აუცილებლობა განიხილოს მკურნალ ექიმთან ერთად. ძვლის დაქვეითებული სიმკვრივის შემთხვევაში ძვლის გამამაგრებელი თერაპია ინიშნება.
გაიმაგრეთ კუნთები
ბარძაყის ყელის მოტეხილობა ძირითადად დაცემის შედეგია. ვარჯიშები, რომლებიც მიმართულია კუნთური ძალის, გამძლეობისა და წონასწორობის გასაუმჯობესებლად ხელს უწყობს დაცემის და შესაბამისად მოტეხილობის რისკის დაქვეითებას.
იკვებეთ სწორად
შეეცადეთ მიიღოთ დღეში 1000-1200 მგ კალციუმი. მაგრამ გასათვალისწინებელია, რომ კალციუმის ასათვისებლად საჭიროა D ვიტამინი. ამგვარი კომბინაცია აქვეითებს მოტეხილობის რისკს. ამის გარდა ყოველდღიურად მიიღეთ კალიუმით მდიდარი ხილი და ბოსტნეული, რადგანაც ეს ელემენტი დადებითად მოქმედებს კალციუმის მეტაბოლიზმზე. არ შეამციროთ ცილის მიღება - ის აუცილებელია კუნთური მასის შესანარჩუნებლად, რაც მნიშვნელოვანია კუნთური ძალისთვის.
აკონტროლეთ პრეპარატები და მხედველობა
თუ ღებულობთ წამლებს, რომლებიც იწვევს ძილიანობას, თავბრუსხვევას, სისუსტეს ან სიარულისას წონასწორობის დარღვევას, მიმართეთ მკურნალ ექიმს, რათა გადახედოს დანიშნულებას. ზოგიერთ პერაპრატს აღენიშნება გვერდითი მოვლენები, რომლებმაც შეიძლება გაზარდოს დაცემის რისკი.
კიდევ ერთი მნიშვნელოვანი მომენტი მხედველობაა. ასაკთან ერთად იგი თანდათანობით და შეუმჩნევლად უარესდება. ამიტომ აუცილებელია ოფთალმოლოგის კონსულტაცია.
გახადეთ უსაფრთხო სახლი და ფეხსაცმელი.
ყველაზე ხშირად ადამიანები სახლში ეცემიან. ამ რისკის შემცირება შესაძლებელია საცხოვრებელი სივრცის მცირე ცვლილებებით.
· აიღეთ კიბეზე და იატაკზე არსებული საგნები, დეკორატიული ხალიჩები - ისინი სრიალებენ და შეიძლება ფეხი წამოკრათ.
· აბაზანაში გამოიყენეთ ისეთი ხალიჩა, რომელიც არ სრიალებს;
· აბაზანაში ან საშხაპეში დაამონტაჟეთ სახელურები, კიბეზე მოაჯირი.
· მთელ სახლში დააყენეთ ხარისხიანი განათება. ჩამრთველები შესასვლელშივე უნდა იყოს განთავსებული;
· ხშირად ხანდაზმული ადამიანები ღამე ეცემიან, როდესაც საპირფარეშოში ეჩქარებათ (შარდმდენი პრეპარატების მიღების გამო). ასეთ შემთხვევაში საწოლის გვერდით უმჯობესია გვქონდეს სანიტარული სავარძელი;
· ატარეთ მხოლოდ თქვენი ზომის ფეხსაცმელი. მაღალქუსლიანი ფეხსაცმელი ან ფეხშიშველი სიარული გარკვეულ რისკებთანაა დაკავშირებული. სახლის ჩუსტს აუცილებლად უნდა ჰქონდეს საქუსარი.
ლალი ჩხიკვაძე
