რა დაავადება შეიძლება გამოიწვიოს გადაჯვარედინებული ფეხებით დიდხანს ჯდომამ
რა არის ბურსიტი?
ბურსა, იგივე აბგა, სახსრის დახურული ჩანთაა. იგი შეიცავს სინოვიალურ სითხეს. გვხვდება ხახუნის ადგილებში: მყესებსა და ძვლებს შორის, სახსრებთან ახლოს. ბურსიტი სასახსრე აბგის ანთებაა და ვითარდება განმეორებითი ან გადაჭარბებული ტრავმის, ხახუნის, პოდაგრის, რევმატოიდული ართრიტის ან ინფექციის დროს.
ბურსიტი ყველაზე ხშირად ვითარდება მტევნებში, მუხლებში, მხრების, იდაყვის, ქუსლის და თეძოს არეში. პირველადი კლინიკური გამოვლინებებია: გახურება, ტკივილი, შეშუპება და დაზიანებულ ნაწილში მოძრაობის დიაპაზონის შეზღუდვა.
ბურსიტის გამომწვევ აქტივობებს შორისაა:
- არასწორი მექანიკა;
- განმეორებითი ჩამუხვლები (იატაკის დაგებაზე მომუშავეები, ნახშირის მაღაროს მუშები, მებაღეები);
- გადაჯვარედინებული ფეხებით დიდხანს ჯდომა
დასვენება ხშირად მკურნალობის უმნიშვნელოვანესი ნაწილია.
მკურნალობა ასევე მოიცავს:
- დაზიანებული ნაწილის კომპრესიული სახვევებით ან ღვედით დაფიქსირებას;
- ყინულის დადებას;
- ტკივილისა და ანთების შესამცირებლად არასტეროიდული საშუალებების გამოყენებას
შეიძლება საჭირო გახდეს ბურსის სითხის ასპირაცია და კორტიკოსტეროიდების სახსარშიდა ინექცია.
თუ ბურსის კედელი გასქელდა და კვლავ ხელს უშლის ნორმალური სახსრის ფუნქციონირებას, ხშირად ტარდება ქირურგიული ამოკვეთა (ბურსექტომია).