თათია მარტიაშვილი

კომპლექსური მკურნალობა სახსრების პლაზმოლიფტინგისა და ინდივიდუალური ღაბაშის გამოყენების შემთხვევაში, საკმაოდ ეფექტურია.

სკოლიოზის, სპონდილოართროზის, მხრის, მენჯ-ბარძაყის, მუხლის, კოჭწვივის, ტერფის სახსრების ოსტეოართრიტის და ოსტეოართროზის მკურნალობისათვის მნიშვნელოვანია, გარდა ეტიოლოგიური ფაქტორების და ფენოტიპის დადგენისა, ტერფების ფორმის და მდგომარეობის განსაზღვრა პოდოგრაფიით და სკანირებით.

აღნიშნული დაავადებების კვლევის ძირითადი მეთოდებია:

• ზუსტი ანამნეზი;
• ორთოპედიული ანთროპომეტრია;
• რენტგენოგრაფია ორ პროექციაში;
• ტერფების პედოგრაფია და სკანირება.

საჭირო შემთხვევაში: სახსრის ექოსკოპია, კომპიუტერული ტომოგრაფია, მაგნიტორეზონანსული ტომოგრაფია. ფსორიაზის არსებობის შემთხვევაში, დერმატოლოგის კონსულტაცია.

ლაბორატორიული კვლევები:

• სისხლის საერთო ანალიზი,
• რევმოტესტები,
• სახსარში სინოვიალური გამონაჟონის, სინოვიტის არსებობის შემთხვევაში პუნქტატის მიკროსკოპული და ბაქტერიოლოგიური კვლევა,
• კრეატინინის დონის განსაზღვრა, თირკმელების ფუნქციის დასადგენად.

ართროზოართრიტის კლინიკური დიაგნოზის დადასტურების შემდეგ დღის წესრიგში დგება სამკურნალო ღონისძიებების შერჩევის და განხორციელების საკითხი.

გათვალისწინებული უნდა იყოს ეტიოლოგიური ფაქტორები, დაავადების ფენოტიპი, ანატომიური ლოკალიზაცია, დაავადების სტადია და ხარისხი. პედოგრაფიით და ტერფის სკანირებით მიღებული მონაცემებით დამზადებული ინდივიდუალური ღაბაშის გამოყენება.

ხერხემლის და ძვალსახსართა სისტემის დაავადებები ყოველთვის პრობლემური იყო. მიუხედავად მედიცინაში არსებული მიღწევებისა, ეს პრობლემები საზოგადოების ყველა ფენაში კვლავ აქტუალურია.

ართროზი - სახსრებში ძვლების მფარავი ზედაპირის და ხერხემლის მალებს შორის არსებული ხრტილოვანი ქსოვილის აღდგენის (ანაბოლიზმის ) და დაშლის (კატაბოლიზმის ) პროცესის ბალანსის დარღვევის შედეგია.

• მას სდევს სახსრების ხრტილოვანი ქსოვილის ცვეთა, სახსრების დეფორმაცია, რომელიც კლინიკურად ვლინდება სახსრებში ტკივილებით, გადაადგილების და შრომის უნარის მკვეთრი შეზღუდვით. ეს პრობლემა, როგორც მთელ მსოფლიოში, ჩვენთანაც 50-60 წელს გადაცილებული ადამიანების 80 %-ს აწუხებს, განსაკუთრებით ქალებს.

ოსტეოართოზოართრიტის სტადიის და ჩვენების დადგენის შემდეგ ტარდება პლაზმოლიფტინგის პროცედურები.

• მეთოდის უნიკალურობა მის სიმარტივეში და უსაფთხოებაში, თრომბოციტების ფიზიოლოგიური ფუნქციის - ქსოვილების რეგენერაციის უნარის გამოყენებაშია.

ართროპლაზმოლიფტინგით მიიღწევა:

• სახსარში შემავალ ძვლებს შორის ხახუნის შემცირების გამო, კიდურის მოხრა გაშლის კუთხის გაზრდა.
• ტკივილის თანდათანობით შემცირება ხრტილოვანი ქსოვილის რეგენერაციის კვალობაზე.

მოქმედებს მთელ ორგანიზმზე, არეგულირებს ნორმალური ფიზიოლოგიური პროცესების მუდვივობას - ჰომეოსტაზს, მონაწილეობს ორგანიზმის ადაპტაციურ და დაცვით რეაქციებში.

სკოლიოზი და ბრტყელტერფიანობა მოზარდებში გავრცელებული დაავადებაა და იზოლირებულად არასოდესაა. ხშირად ზრდასრულებში სკოლიოზის და ქვედა კიდურების დეფორმაციის და ათროზის ჩამოყალიბების მიზეზი ხდება. ინდივიდუალური ღაბაში არის ხერხემლის და კიდურების სხვა დაავადებების პრევენციის და ჩივილების შემსუბუქების საშუალება, ძირითად მკურნალობასთან ერთად.