რა იწვევს დაუნის სინდრომის რისკს - მეცნიერების ახალი აღმოჩენა
მშობლების ორგანიზმზე დარიშხანის ზემოქმედების შედეგია.
მეცნიერები იმედოვნებენ, რომ მათი აღმოჩენა სპეციალისტებს აღნიშნულ გენეტიკურ პათოლოგიასთან ბრძოლაში დაეხმარება. მათ 323 ბავშვის მონაცემები გააანალიზეს. ძირითადად კონცენტრირდნენ დაუნის სინდრომის მქონე 60 მოხალისეზე. ბავშვებთან ერთად საფუძვლიანად გამოიკვლიეს მათი მშობლებიც.
დარიშხანის შემცველობა მნიშვნელოვნად მაღალი აღმოჩნდა როგორც ბავშვების, ასევე მშობლების სისხლსა და თმაში. უფრო კონკრეტულად, დარიშხანის შემცველობა კილოგრამ წონაზე 4-ჯერ და მეტად იყო გაზრდილი.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
დარიშხანი ყველაზე დიდი რაოდენობით აღმოჩნდა დაუნის სინდრომის მქონე ბავშვების თმაში. სპეციალისტთა განმარტებით, ეს შხამი აქტიურად გადის პლაცენტურ ბარიერს ორსულობისას. მისი მცირე რაოდენობაც კი მავნებელია ჯანმრთელობისათვის. ამიტომაც, მეცნიერები აფრთხილებენ მომავალ დედებს, მაქსიმალურად აარიდონ თავი ამ შხამის მოქმედებას.
საიდან ხვდება ადამიანის ორგანიზმში დარიშხანი
დარიშხანი გარემოს დამაბინძურებელი ყველაზე მნიშვნელოვანი ელემენტია. მის მავნე ზემოქმედებას მილიონობით ადამიანი განიცდის. ადამიანის ორგანიზმისთვის დარიშხანის ძირითადი წყარო სასმელი წყალია, რომელიც უმთავრესად დარიშხანის გეოლოგიური წარმოშობის არაორგანულ ნაერთებს შეიცავს. დარიშხანი ადამიანის ორგანიზმში საკვებთან ერთადაც ხვდება. განსაკუთრებით ბევრია ის მარცვლეულში. დარიშხანით გარემოს დაბინძურების მიზეზი სხვადასხვა რამ შეიძლება იყოს - შახტების მუშაობა, ფერადი მეტალების გამოდნობა, ნახშირის წვა, პესტიციდების, მინის, ნახევარგამტარების, სამედიცინო და ვეტერინარული პრეპარატების წარმოება. ქრონიკული მოხმარებისას დარიშხანი გროვდება თმაში, ფრჩხილებში, კანსა და სხვა ორგანოებში. დარიშხანი კანცეროგენია. მას შეუძლია, ადამიანის ოგანიზმში დასაბამი მისცეს კანის, ფილტვების, შარდის ბუშტის, ღვიძლისა და თირკმელების სიმსივნეებს. ქრომი ფილტვებისა და საჭმლის მომნელებელი ტრაქტის სიმსივნეებს იწვევს, ნიკელი - ფილტვებისა და ცხვირის ღრუს კიბოს.
თინათინ გოცაძე
