მაგნიუმი და შაკიკი - ამსუბუქებს თუ არა მაგნიუმი შაკიკის სიმპტომებს
რა არის მაგნიუმი
მაგნიუმი მინერალია, რომელიც ხელს უწყობს არტერიული წნევის სტაბილურობას, უზრუნველყოფს გულის ჯანმრთელობას, არეგულირებს ნერვული სისტემის და კუნთების ფუნქციონირებას, მონაწილეობს ძვლების, ცილების და დნმ-ის მშენებლობაში. თავად მაგნიუმის ნაკლებობამ კი შესაძლოა გამოიწვიოს თავის ტკივილი და შაკიკი.
მაგნიუმი გამოიყენება შაკიკის მკურნალობისა და სიმპტომების პრევენციისათვის(თავის ძლიერი ტკივილი, გულისრევა, ღებინება, მხედველობის დარღვევები, სინათლისა და ხმისადმი მგრძნობელობა).
ეფექტურად მუშაობს თუ არა მაგნიუმი შაკიკის წინააღმდეგ
ზოგიერთი კვლევის მიხედვით, მაგნიუმის დანამატების მიღება ეფექტურია თავის ტკივილის პრევენციისათვის. ამას გარდა, კვლევებმა აჩვენა, რომ შაკიკის დროს ადამიანის თავის ტვინში მაგნიუმის დაბალი დონე აღინიშნებოდა.
ამერიკის შაკიკის ფონდის მიხედვით, შაკიკის პრევეციისათვის, დღეში 400-500 მგ მაგნიუმის ოქსიდის დანამატის მიღებაა რეკომენდებული.
მაგნიუმის დანამატის მიღება უფრო მეტად ეფექტურია იმ პირებში, რომელთაც აღენიშნებათ აურა ან შაკიკის დროს მხედველობითი დარღვევები.
შესაძლო გვერდითი ეფექტები
გასათვალისწინებელია,რომ მაგნიუმის დანამატების მიღებას შესაძლოა თან ახლდეს გვერდითი ეფექტებიც, მათ შორისაა, დიარეა, კრუნჩხვა, გულისრევა.
ის პირები, რომლებიც იღებენ ანტიბიოტიკებს (ამინოგლიკოზიდებს), თავი უნდა შეიკავონ მაგნიუმის დანამატების მიღებისგან. მათმა ერთდროულმა მიღებამ შესაძლოა გამოიწვიოს კუნთების სისუსტე. ასევე, მაგნიუმი აფერხებს ანტიბიოტიკების შეწოვის პროცესს.
არ არის რეკომენდებული მაგნიუმის მიღება ჰიპოტენზიისას.
მაგნიუმის ჭარბმა დოზამ შეიძლება გამოიწვიოს სუნთქვის შენელება, გულისცემის რიტმის დარღვევა, კომა.
გვერდითმა ეფექტებმა შეიძლება თავი იჩინოს იმ პირებში, რომელთაც აქვთ:
- დიაბეტი;
- თირკმლის პრობლემები;
- გასტროენტერალური პრობლემები
აქედან გამომდინარე, მაგნიუმის დანამატების მიღება დაუშვებელია ექიმის რეკომენდაციის გარეშე. დოზების განსაზღვრა უნდა მოხდეს მხოლოდ ექიმის მითითებით.