მეცნიერებმა მძიმე დეპრესიის სამკურნალო იმპლანტი გამოიგონეს
ასანთის კოლოფის ზომის იმპლანტი თავსდება თავის ქალაში და მიერთებულია ტვინთან. 36 წლის სარამ ის ერთი წლის წინ ჩაიყენა და აცხადებს, რომ იმპლანტმა შეცვალა მისი ცხოვრება. იმპლანტი მუდმივად მუშაობს, მაგრამ იმპულსები მაშინ წარმოიქმნება, როდესაც ეს პაციენტისთვის აუცილებელი ხდება.
ბოლო წლების განმავლობაში, ქალმა ბევრჯერ უშედეგოდ სცადა მკურნალობა ანტიდეპრესანტებითა და ელექტროთერაპიით. მისი თქმით ყოველდღიურად იტანჯებოდა, თითქმის არ მოძრაობდა და არაფერს აკეთებდა.
იმპლანტის ჩაყენებისა და ჩართვის შემდეგ იგრძნო ეიფორია და განაცხადა, რომ ცხოვრება უკეთესობისაკენ შეიცვალა. გარკვეული დროის შემდეგ სუიციდის შესახებ ფიქრებიც აღარ აწუხებდა. იმპლანტის ჩაყენებიდან ერთი წლის შემდეგ გვერდითი ეფექტები არ დაფიქსირებულა.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
მკვლევარის, ექიმ კეტრინ სკანგოსის (Katherine Scangos) განცხადებით, ტექნოლოგია მოქმედებს პაციენტის ტვინში „დეპრესიის ჯაჭვზე“. მოწყობილობას წინასწარ შეუძლია განსაზღვროს დეპრესიის სიმპტომები როდის გახდება სერიოზული და მოახდინოს მასზე ზეგავლენა. მეცნიერები გეგმავენ ტექნოლოგიის გამოკვლევას მძიმე დეპრესიის მქონე უფრო მეტ პაციენტზე, რათა გამოავლინონ რამდენად იქნება შესაძლებელი სხვა ადამიანების დახმარება.
ზოგადად დეპრესია ხშირად შემოდგომით გვიტევს ხოლმე. მედიკოსები გვირჩევენ ხასიათის გასაუმჯობესებლად, სახლში და სამსახურში რაც შეიძლება მეტი გამანათებელი საშუალებების ჩართვას. შემოდგომით აუცილებელია დროულად დასაძინებლად დაწოლა და კარგად გამოძინება, რაც დაგვეხმარება ორგანიზმის სეზონურ გარდაქმნაში.
