მარიამ ფოლადაშვილი

ეს შეიძლება იყოს ჯანმრთელობის რაიმე მდგომარეობის სიმპტომი ან ზოგიერთი მედიკამენტის გვერდითი ეფექტი.

ემოციურმა დაბუჟებამ შეიძლება შექმნას სიცარიელის, იზოლაციის ან დანარჩენ სამყაროსთან კავშირის გაწყვეტის შეგრძნება. თქვენ შეიძლება შეამჩნიოთ, რომ სხვა ადამიანები სხვანაირად რეაგირებენ მოვლენებზე და შეიძლება გაგიჭირდეთ იმის გაგება, თუ რატომ არ გრძნობთ იგივეს.

ემოციური დაბუჟების ნიშნები და სიმპტომები

ყველა არ განიცდის ემოციურ დაბუჟებას ერთნაირად. ზოგადად, შეიძლება თავი შეზღუდულად იგრძნოთ, როცა საქმე ემოციურ გამოცდილებას ეხება. შეიძლება გქონდეთ მდუმარე რეაქცია მოვლენებზე, რომლებზეც ადრე რეაგირებდით, ან შეიძლება განიცადოთ ემოცია და ვერ გამოხატოთ იგი.

თქვენ შეიძლება იმყოფებით ისეთ სიტუაციაში, რომელიც, როგორც წესი, იწვევს სევდას ან სიხარულს და შეიძლება არც კი იგრძნოთ ისინი. ამან შეიძლება სხვებთან ურთიერთობა უფრო რთული გახადოს.

ემოციური დაბუჟების სხვა ნიშნები შეიძლება შეიცავდეს:

• მუდმივად დაბალი ენერგია და მოტივაცია;
• გულგრილობა იმ საგნების ან ადამიანების მიმართ, რომლებზეც ადრე ზრუნავდით;
• განცდა, რომ არაფერს აქვს მნიშვნელობა;
• საკუთარი თავისგან და თქვენს ცხოვრებაში არსებული საგნებისგან განცალკევების გრძნობა;
• ემოციების სრული სპექტრის განცდის უუნარობა;
• საკუთარი ემოციების ამოცნობის და გამოხატვის გაძნელება

რა იწვევს ემოციურ დაბუჟებას?

რამდენიმე ფაქტორმა შეიძლება გამოიწვიოს ემოციური დაბუჟება. მიუხედავად იმისა, რომ დეპრესიითა და შფოთვით ცხოვრება ემოციური დაბუჟების ყველაზე გავრცელებული მიზეზია, სხვები შეიძლება იყოს:

სტრესი და სტრესის ჰორმონები - კორტიზოლის ამაღლებულმა დონემ შეიძლება გამოიწვიოს ემოციური დაბუჟება და ემოციური რეაქციის ნაკლებობა ზოგიერთ ადამიანში.

პოსტტრავმული სტრესული აშლილობა - PTSD შეიძლება შეცვალოს თქვენი სტრესის ჰორმონის დონემ რაც დაკავშირებულია დეპრესიისა და შფოთვასთან, მათ შორის ემოციურ დაბუჟებასთან.

გარკვეული მედიკამენტები.

დაღლილობა - ქრონიკულმა ფიზიკურმა დაღლილობამ შესაძლოა ზოგიერთ ადამიანში ემოციური დაღლილობა გამოიწვიოს.

როგორ ვუმკურნალოთ ემოციურ დაბუჟებას

ემოციური დაბუჟება ხშირად დროებითია. ეს შეიძლება გაგრძელდეს რამდენიმე საათიდან რამდენიმე დღემდე.

ემოციური დაბუჟების მკურნალობის პირველი ნაბიჯი არის გამომწვევი მიზეზის დადგენა და მკურნალობა. ექიმს შეუძლია დაგეხმაროთ ამაში.

ექიმს შეუძლია შემოგთავაზოთ დაძლევის ტექნიკა, რომელიც დაგეხმარებათ იმუშაოთ თქვენს ემოციურ გამოცდილებებზე.

ვარჯიში

სირბილის, ცურვის და იოგას გაკვეთილები დაგეხმარებათ სტრესის მოხსნაში. გასეირნებასაც კი შეუძლია ენდორფინების დონის მატება გამოიწვიოს. რეგულარული აქტივობა უფრო ეფექტურია.

ძილი

ყოველ ღამე 7-9 საათი ხარისხიანმა ძილმა შეიძლება გაზარდოს ყურადღება, მოტივაცია და გააუმჯობესოს თქვენი შეგრძნებები.

ემოციური დაბუჟების მკურნალობისა და პროფილაქტიკისთვის გაითვალისწინეთ:

დაბალანსებული კვება

ნუტრიენტებით მდიდარი საკვები ხელს უწყობს ორგანიზმს გამართულად იმუშაოს. კერძოდ, ცხიმიანმა თევზმა, ახალმა ხილმა, ბოსტნეულმა და ანტიოქსიდანტებით მდიდარმა სხვა საკვებმა შეიძლება გააუმჯობესოს განწყობის რეგულირება.

მართეთ სტრესი

სტრესის მოხსნამ ან მისი მართვის გაუმჯობესებამ შეიძლება დადებითად იმოქმედოს თქვენს სხეულზე, შეამციროს სტრესის ჰორმონის წარმოება და დაგეხმაროთ ემოციებზე მუშაობაში. სტრესის დაძლევის ტექნიკის პრაქტიკა, როგორიცაა მედიტაცია დაგეხმარებათ.

თვითშემეცნების სავარჯიშოები

ექიმი დაგეხმარებათ ჩაერთოთ რეგულარულ გონებრივ ვარჯიშებში, რომლებიც დაგეხმარებათ ხელახლა აღმოაჩინოთ თქვენი ემოციები და სამყაროსთან კავშირი.

გამომწვევი მიზეზიდან გამომდინარე, ემოციური დაბუჟება შეიძლება იყოს დროებითი გამოცდილება. ჩვეულებრივ, გამომწვევი მიზეზის აღმოფხვრა დაგეხმარებათ პრობლემის მოგვარებაში. მაგალითად, თუ დაბუჟება დაკავშირებულია დეპრესიასთან, ამ მდგომარეობის მკურნალობა დაგეხმარებათ ემოციური დაბუჟების და სხვა სიმპტომების შემცირებაში.

აუცილებელია ფსიქოლოგთან, ფსიქიატრთან ვიზიტი, მათ შეუძლიათ დაგეხმარონ პრობლემის გადალახვაში.