როგორ დავძლიოთ უძილობა
ჩვენს რეალობაში სტრესებისგან თავის დაღწევა არც ისე იოლია, თუმცა, უძილობის დასაძლევად რამდენიმე რჩევა მაინც უნდა გაითვალისწინოთ:
- ძილის წინ თბილი აბაზანის მიღება განსაკუთრებულ ეფექტს ახდენს, ადუნებს, ამშვიდებს ადამიანს და ხელს უწყობს ადვილად ჩაძინებას.
- საძინებელ ოთახში ჰაერი გრილი და ჯანსაღი უნდა იყოს. ამისათვის აუცილებელია დაძინებამდე საძინებელი ოთახის განიავება. არ არის სასურველი საძინებელში ჰაერის გათბობა. პირიქით, ტემპერატურა ამ ოთახში კომფორტულზე რამდენადმე დაბალი უნდა იყოს მშვიდი ძილისთვის.
- უძილობის ერთ-ერთ მიზეზად სპეციალისტები იმასაც ასახელებე, რომ ადამიანები საწოლში ხშირად კითხულობენ, ქსოვენ, საუბრობენ ტელეფონზე, უყურებენ ტელევიზორს და ა. შ. იმისათვის, რომ არასასურველი რეფლექსები არ გამოგიმუშავდეთ, უმჯობესია საწოლს მხოლოდ დასაძინებლად მიაშუროთ!