ნაპოვნია შიზოფრენიის განვითარების ახალი მექანიზმი
არა მხოლოდ მემკვიდრეობითობა, არამედ მუცლადყოფნის დროის გარკვეული მუტაციებიც განაპირობებს. კვლევის შედეგები გამოქვეყნდა ჟურნალ Science-ში.
მკვლევარებმა შეისწავლეს შიზოფრენიით დაავადებული ადამიანების ტვინის ქსოვილის ნიმუშები და ამ დაავადების გარეშე ადამიანების ჯგუფის ბიომასალა. მეცნიერებმა დაადგინეს, რომ მშობლებისგან მემკვიდრეობით მიღებული გენების გარდა, გარკვეულმა მუტაციებმა, რომლებიც წარმოიქმნება ჩასახვის შემდეგ, შესაძლოა მნიშვნელოვანი როლი ითამაშოს დაავადების განვითარებაში. მათ სომატურ მუტაციებს უწოდებენ.
სომატური მუტაციები, რომლებიც ცნობილია როგორც ერთი ნუკლეოტიდური პოლიმორფიზმი (პატარა ცვლილებები დნმ-ის კოდის ერთ ერთეულში) არღვევს მნიშვნელოვან ბიოლოგიურ პროცესებს, რომლებიც ჩართულია ტვინის განვითარებასა და ფუნქციონირებაში, რამაც შეიძლება ხელი შეუწყოს შიზოფრენიის სიმპტომებს.
- დამატებითმა კვლევამ აჩვენა, რომ ზოგიერთ მუტაციას ჰქონდა მოლეკულური სიგნატურა, რომელიც მსგავსია ანთების გამო განვითარებული დნმ-ის ცვლილებების. მეცნიერები ვარაუდობენ, რომ მათი გამოჩენა შესაძლოა გამოწვეული იყოს გარემო ფაქტორებით ან ორსულობის დროს დედის ორგანიზმის ინფექციით.
