შიმშილი: სარგებელი და ზიანი სამი დიეტის მაგალითზე
მეთოდის მომხრეები ამტკიცებენ, რომ თავშეკავება ხელს უწყობს წონის დაკლებას, გაახალგაზრდავებას, დიაბეტის, ჰიპერტენზიის და კიბოსგან თავის დაღწევას. რამდენად სასარგებლო თუ ზიანის მომტანია შიმშილი?
ინტერვალური შიმშილი
ინტერვალურის შიმშილი დროს ორგანიზმი რჩება საკვების გარეშე 16 საათის განმავლობაში. ამ მეთოდის დაცვით, მნიშვნელოვანია კვების დროის შეზღუდვა - დღეში 8 საათი. ამავდროულად, თავად კვება რჩება დაბალანსებული და საკმარისად კალორიული.
ოქსიდაციური სტრესის შემცირება, ცირკადული რითმების ოპტიმიზაცია და კეტოგენეზი - ის არგუმენტებია, რომლებსაც მეცნიერები ამ მიდგომის სასარგებლოდ ასახელებენ.
ვარაუდობენ, რომ ინტერვალური შიმშილი ამცირებს გულ-სისხლძარღვთა დაავადებების რისკს წონის კონტროლის, ჰიპერტენზიის, დისლიპიდემიისა და დიაბეტის დროს მდგომარეობის გაუმჯობესებით.
რა ზიანი შეიძლება მოჰყვეს ასეთ შიმშილს?
გერონტოლოგი მეცნიერი კალიფორნიის უნივერსიტეტიდან, წიგნის "Longevita: The Revolutionary Longevity Diet" ავტორი ვალტერ ლონგო, გვაფრთხილებს რისკების შესახებ:
„12 საათზე მეტი ხნის განმავლობაში ჭამისგან შესვენება ძალიან ექსტრემალურია. არიან, მაგალითად, ადამიანები, რომლებიც გამოტოვებენ საუზმეს და ამით შიმშილობენ ზედიზედ 16-17 საათის განმავლობაში - და მათი მიდრეკილება სიმსუქნისა და დიაბეტისკენ მხოლოდ იზრდება“.
სამკურნალო შიმშილი
გულისხმობს მოკლე ვადით (1-3 დღე) ან ხანგრძლივად (40 დღემდე) საკვებისგან სრულ თავშეკავებას. ამგვარი თერაპია გამოიყენება გულ-სისხლძარღვთა, კუჭ-ნაწლავის და ალერგიული დაავადებების, რესპირატორული დარღვევების, სიმსუქნისა და მთელი რიგი ფსიქიკური აშლილობის სამკურნალოდ. მეთოდი მიზნად ისახავს ორგანიზმის სარეზერვო ძალების ოპტიმიზაციას, მეტაბოლიზმის საბოლოო პროდუქტებისგან გაწმენდას, სისხლის მიმოქცევის გაუმჯობესებას და კუჭ-ნაწლავის ტრაქტის ფუნქციონირებას.
თუმცა, არსებობს რამდენიმე სირთულე:
- ხანგრძლივი შიმშილია უნდა წარიმართოს მხოლოდ გამოცდილი ექიმის მეთვალყურეობის ქვეშ
- მეთოდის სირთულე მდგომარეობს არა მხოლოდ საკვების გარეშე დღეების ან კვირების განმავლობაში გაძლებაში, არამედ ორგანიზმის შემდგომ აღდგენაშიც. ამას შეიძლება დაახლოებით 2 კვირა დასჭირდეს.
- სამკურნალო შიმშილს ბევრი უკუჩვენება აქვს.
„ასევე არ ღირს კალორიების მუდმივად მკაცრად შეზღუდვა ინდივიდუალური ფიზიოლოგიური ნორმის ქვემოთ. სრული შიმშილობა ნამდვილად არ არის გამოსავალი: თქვენ იტანჯებით საკმარისი საკვები ნივთიერებების მიღების გარეშე და დარჩებით მშიერი,” - ამბობს ვალტერ ლონგო.
ფსევდო-შიმშილი
თუ ორგანიზმისთვის შიმშილის სარგებელი ყოველთვის არ არის, მაშინ სხვა რა ვარიანტები არსებობს?
როგორც ალტერნატივა, ლონგო გვთავაზობს დიეტას, რომელიც შეიძლება ეფექტური იყოს დიაბეტის, სიმსუქნის, მაღალი წნევის, ანთების და რიგი აუტოიმუნური დაავადებების პროფილაქტიკისთვის. მეთოდის არსი არის არა 5 დღის შიმშილი, არამედ დიეტის კალორიული შემცველობის შემცირება 750-1200 კკალამდე.
ამგვარად, სხეული შვებას იღებს კონტროლირებად, ნაკლებად მძიმე პირობებში: არის საკმარისი საკვები ნივთიერებები, რათა გაუძლოს ასეთ ფსევდო შიმშილს ტანჯვის გარეშე.
ვალტერ ლონგო აცხადებს, რომ კვლევებმა აჩვენა, რომ „ფსევდოშიმშილი“ აუმჯობესებს ბიოქიმიურ მაჩვენებლებს: სისხლში გლუკოზის დონეს, ქოლესტერინს, ტრიგლიცერიდებს, ანთებით მარკერებს. საკმარისია ამ მეთოდის გამოყენება წელიწადში 3-4 ჯერ.
ინტერვალური, თერაპიული ან ფსევდოშიმშილის არჩევამდე მიმართეთ გასტროენტეროლოგს, რათა ზიანი არ მიაყენოთ თქვენს ორგანიზმს.
ასევე დაგაინტერესებთ: