საზიანოა თუ არა ცხარე საკვების ჭამა?
მაგალითად, წიწაკა ჩილი არის ვიტამინების E, A, B6, K, ასევე რკინისა და უჯრედისის შესანიშნავი წყარო. ხოლო სანელებლებს, როგორიცაა ჩილი, კურკუმა, კაიენი და შავი პილპილი, აქვთ ანთების საწინააღმდეგო თვისებები.
თუ მოგწონთ ცხარე საკვების გემო და ის არ გიღიზიანებთ კუჭს, დიეტოლოგების აზრით, მათზე უარის თქმის საფუძველი არ არსებობს:
წიწაკა ჩილი ასევე შეიცავს ნაერთს, რომელსაც ეწოდება კაპსაიცინი, რომელიც ამცირებს ანთებას და ტკივილს.
„კაპსაიცინი ასევე ხელს უწყობს გულის დაავადების რისკის შემცირებას, არტერიული წნევის რეგულირებას და ქოლესტერინის დაქვეითებას“ - ამბობს დიეტილოგი ზეიტლინი.
შეიძლება ცხარე საკვები დაგეხმაროთ წონის დაკლებაში?
90 სხვადასხვა კვლევის მეტა-ანალიზის მიხედვით, რომელთა ფარგლებში გამოიკვლიეს კაპსაიცინის როლი წონის მართვაში, ცხარე საკვები ამცირებს მადას და ზრდის ენერგიის ხარჯვას.
მაგრამ დიეტოლოგი მარტა ფერაზ-ვალესი აღნიშნავს: „კაპსაიცინის მიუხედავად, ცხარე ნაგეთსები არ უწყობს ხელს წონის დაკლებას“.
ჩვენ ვიკლებთ წონაში ყოველდღიური კალორიული დეფიციტით - ეს ყველასთვის განსხვავებულია.
ცხარე სანელებლების დამატება კერძში აჩქარებთ მეტაბოლიზმს და, შესაბამისად, წონაში ცოტა უფრო სწრაფად იკლებთ.
ცხარე საკვები მავნეა საჭმლის მონელებისთვის?
ცხარე საკვები სულაც არ არის ცუდი საჭმლის მონელებისთვის, მაგრამ ექსპერტები ამბობენ, რომ ისინი შეიძლება იყოს პრობლემური და გამოიწვიოს სიმპტომები საჭმლის მომნელებელი პრობლემების მქონე ადამიანებში, როგორიცაა რეფლუქსი, გაღიზიანებული ნაწლავის სინდრომი (IBS) და ნაწლავის ანთებითი დაავადება (IBD).
„რადგან თითოეული ადამიანის კუჭ-ნაწლავის ჯანმრთელობა უნიკალურია, ცხარე საკვებმა შეიძლება ერთი ადამიანის კუჭის ფუქნციონირება დაარღვიოს, მეორეს კი მშვენივრად დატოვოს“, - ამბობს დიეტოლოგი ზეიტლინი. „თუ გაქვთ რეფლუქსი ან IBS, ცხარე საკვებმა შეიძლება ზოგადად გამოიწვიოს დისკომფორტი.“
დიეტოლოგები ასევე აღნიშნავენ, რომ ზოგჯერ საჭმლის მომნელებელ პრობლემებს იწვევს არა სანელებლები, არამედ სხვა საკვები.
"ცხარე ნაგეთსებმა შეიძლება გამოიწვიოს კუჭ-ნაწლავის დისფუნქცია შემწვარი სახით მიღების და არა ცხელი სოუსის გამო", - ამბობს დიეტოლოგი ფერას-ვალესი. „თუ ორმაგ ჩიზბურგერს მიირთმევთ კარტოფილით და ცხარე სოუსით, თქვენი საჭმლის მომნელებელი ტრაქტის დისფუნქციის სიმპტომები შეიძლება უკავშირდებოდეს საკვების მთლიან ცხიმიანობას და არა სიცხარეს“.
როდის არის შესაძლებელი და როდის არა ცხარე საკვების ჭამა?
თუ საჭმლის მომნელებელი სისტემის პრობლემები არ გაქვთ, ცხარე საკვები თქვენი საკვების სავსებით მისაღები ნაწილია. მიუხედავად იმისა, რომ ცხარე საკვები ჩვეულებრივ არ იწვევს საჭმლის მომნელებელი ტრაქტის პრობლემებს, მათ შეუძლიათ გააუარესონ ისინი.
თუ თქვენ გაქვთ საჭმლის მომნელებელი სისტემის პრობლემები, როგორიცაა კოლიტი, კრონის დაავადება, IBS ან რეფლუქსი, შეიძლება აღმოაჩინოთ, რომ ცხარე საკვები აძლიერებს თქვენს სიმპტომებს. ამ შემთხვევაში დიეტოლოგები გვირჩევენ თავი აარიდოთ ცხარე საკვებს.