რა უნდა ვიცოდეთ კეტო დიეტის შესახებ?
სხვადასხვა წყაროს მიხედვით, კეტო დიეტის წყალობით, 10-15%-ში დგება სრული რემისია, მაგრამ ექიმები ჯერ კიდევ ვერ ხსნიან ამ მოვლენას.
კეტო დიეტა გვეხმარება სიმსუქნესთან ბრძოლაში. ამ ტექნიკის წყალობით ორ ციკლში შეგიძლიათ დაიკლოთ დაახლოებით 10 კგ. მაგრამ მისი მთავარი მიღწევაა დაბალი სიმკვრივის ("ცუდი") ქოლესტერინის შემცირება და მაღალი სიმკვრივის მატება, რაც სასარგებლო გავლენას ახდენს გულ-სისხლძარღვთა სისტემაზე.
კეტო დიეტის ძირითადი პრინციპები
კვების სისტემა ეყრდნობა "დაბალი ნახშირწყლების - ბევრი ცხიმის" პრინციპს და ფიზიოლოგიურ პროცესს, რომელსაც კეტოზი ეწოდება.
სხეულმა გლუკოზა უნდა მიიღოს ნახშირწყლებიდან, ხოლო თუ ისინი არ არის საკმარისი, მაშინ ცილებიდან. ცილის დეფიციტით, სხეული დაიწყებს ცხიმის საკუთარი მარაგის გამოყენებას და ღვიძლი დაიწყებს კეტონების გამომუშავებას. ეს ნივთიერებები გლუკოზაზე არანაკლებ უმკლავდება ორგანიზმისთვის ენერგიის მიწოდებას, მაგრამ ამავე დროს გამორიცხავს ინსულინის გამომუშავების მოშლილობას.
როგორ დავიწყოთ კეტო დიეტა?
საკმარისია მენიუს გადახედვა ისე, რომ მისი 60–75% იყოს ცხიმები, 15–30% ცილები და მცირე 5–10% ნახშირწყლები.
რა უნდა მიირთვათ კეტო დიეტისას
გაათავისუფლეთ სამზარეულო მარცვლეულისგან, პურის, მაკარონის, კარტოფილის, რძის პროდუქტებისგან, ხილისგან. მათი ადგილი უნდა დაიკავონ:
• ღორის ხორცი,
• ზეთი,
• ყველი,
• კვერცხი,
• ზღვის პროდუქტები,
• ავოკადო.
„დიეტა ხასიათდება ვიტამინების, მინერალებისა და საკვები ნივთიერებების დაბალი შემცველობით. აუცილებელია მათი დამატებითი მიღება“, - თქვა დოქტორმა ტეილორმა, ბალტიმორის დიაბეტის ცენტრის დირექტორმა.
დიეტის მომხრეები დარწმუნებულნი არიან: შეგიძლიათ ბედნიერად იცხოვროთ კეტოზის დროს ნახშირწყლების ნაკლებობის გარეშე. მთავარია, დალიოთ ბევრი სითხე, მათ შორის ყავა და ჩაი. კეტონური სხეულები ხომ გამოიყოფა ორგანიზმიდან შარდით და მხოლოდ მცირე რაოდენობით - სუნთქვით და ოფლით.
შეზღუდვები კეტო დიეტისას
კვების სისტემა გამოითვლება კუნთისა და ცხიმის მასის ინდივიდუალური თანაფარდობის მიხედვით. ბევრი პარამეტრია გასათვალისწინებელი, რაც უნდა გაანალიზოს ექიმმა.
დიეტოლოგი ფრანსინ ბლინტენი გვაფრთხილებს: „დიეტას უფრო მეტი ზიანის მოტანა შეუძლია, ვიდრე სიკეთეს. ”ასეთმა გამოცდილებამ შეიძლება ზიანი მიაყენოს გულს, რომელიც, როგორც მოგეხსენებათ, ასევე კუნთია.”
კვების ამ მეთოდის გამოყენებისას მზად უნდა იყოთ გვერდითი მოვლენებისთვის: გაუწყლოება, ყაბზობა, თირკმლის კენჭი, მენსტრუაციის ციკლის დარღვევა და ა.შ.
კეტო დიეტის უკუჩვენებებია:
• ორსულობა და ძუძუთი კვება;
• 1 ტიპის დიაბეტი;
• ფარისებრი ჯირკვლის დაავადებები;
• კუჭ-ნაწლავის პრობლემები.
მთელი ცხოვრება შეუძლებელია უარი თქვათ რომელიმე პროდუქტზე. ჯანსაღმა ადამიანმა უნდა დაიცვას რაციონალური კვების პრინციპები და არ გადავარდეს ერთი უკიდურესობიდან მეორეში.