საკვები პროდუქტები, რომლებიც ძლიერ დამოკიდებულებას იწვევს
(მაგ. ჩიფსები, ნამცხვრები, ნაყინი, კარტოფილი ფრი) შეიძლება ისეთივე დამოკიდებულებას იწვევდეს, როგორც თამბაქოს.
ავტორებმა გამოიყენეს კრიტერიუმები აშშ-ს მთავარი ქირურგის 1988 წლის მოხსენებიდან, რომელმაც აჩვენა, რომ თამბაქო დამოკიდებულების განვითარებას იწვევს. მათ აჩვენეს, რომ მაღალ გადამუშავებული პროდუქტები ყველა კრიტერიუმს აკმაყოფილებს.
პირველ რიგში, მათ უკავშირდება კომპულსიური მოხმარება, რაც იმას ნიშნავს, რომ როგორც ადამიანებს არ შეუძლიათ მოწევისთვის თავის დანებება, ასევე არ შეუძლიათ უარი თქვან გადამუშავებულ საკვებზე სიცოცხლისთვის საშიში დაავადებების, მათ შორის დიაბეტისა და გულის შეტევის რისკის დროსაც კი.
მეორეც, საკვებს შეუძლია შეცვალოს ჯანმრთელობის მდგომარეობა და განწყობა ტვინზე ზემოქმედებით და ეს ეფექტი შედარებულია ნიკოტინის ეფექტთან.
მესამე, ასეთი პროდუქტები არის ყველაზე ძლიერი სტიმულატორი, ანუ ტვინი უბიძგებს ადამიანს მოიხმაროს უსარგებლო საკვები.
მეოთხე, ადამიანს შეიძლება ჰქონდეს ძლიერი ლტოლვა იმ საკვების მიმართ, რომელზეც არის დამოკიდებული.
ავტორებმა წამოაყენეს ჰიპოთეზა, რომ მაღალდამუშავებულ საკვებს შეუძლია სწრაფად მიაწოდოს ორგანიზმს რაფინირებული ნახშირწყლებისა და ცხიმების არაბუნებრივად მაღალი დოზები და რომ ეს არის მათზე დამოკიდებულების მიზეზი.
როდესაც მთავარი ქირურგის მოხსენება გამოქვეყნდა 30 წელზე მეტი ხნის წინ, თამბაქოს ნაწარმი იყო სიკვდილის მთავარი მიზეზი. მაგრამ ბევრმა ადამიანმა და თამბაქოს მწარმოებელმა უარი თქვა მის მიღებაზე, რამაც შეაფერხა მოწევის საწინააღმდეგო ზომები და საბოლოოდ მილიონობით ადამიანი დაიღუპა. მეცნიერები შიშობენ, რომ იგივე შეიძლება დაემართოს მაღალდამუშავებულ საკვებს.
დღეს, მაღალდამუშავებული საკვები მავნეობის ტვალსაზრისით თამბაქოს მსგავსად არის შეფასებული. ავტორები მოგვიწოდებენ ასეთ საკვები მივიჩნიოთ როგორც საშიში, რომელიც იწვევს დამოკიდებულების განვითარებას.