"ფასთ-ფუდით" ხშირი კვება დემენციის და ალცჰაიმერის რისკს ზრდის
„სწრაფი კვება“ მოსახერხებელი, გემრიელი და იაფია. როგორც წესი, ბურგერები, შემწვარი კარტოფილი და სხვ. გაცილებით მეტ ცხიმსა და ნახშირწყლებს შეიცავს, ვიდრე ისინი ჩვენს ორგანიზმს დღიურად ესაჭიროება. წონის სწრაფი მატების გარდა, აუცილებლად უნდა იცოდეთ თუ რა საფრთხეს უქმნის „ფასთ-ფუდი“ ჯანმრთელობას.
აზიანებს გულს
„ფასთ-ფუდი“ ნატირუმს შეიცავს, რომელიც პროდუქტების გემოს აუმჯობესებს და ამავდროულად, მას გაფუჭებისგან იცავს. ნატრიუმის ჭარბი რაოდენობა არტერიულ წნევას ზრდის. ამასთან, გულის უკმარისობის, ინფარქტისა და ინსულტის რისკიც მატულობს.
ზრდის სისხლში შაქრის დონეს
დამუშავებული ნახშირწყლები ორგანიზმში შაქრად იშლება. ბურგერები და ცომეული სისხლში შაქრის დონის მატებას იწვევს, რაც ჰორმონ ინსულინზეც აისახება. დროთა განმავლობაში კი პანკრეასი- ორგანო, რომელიც ინსულინს გამოიმუშავებს ზიანდება. შესაბამისად, შაქრიანი დიაბეტი ტიპი 2-ის განვითარების რისკიც მატულობს.
საჭმლის მომნელებელი სისტემის პრობლემები
ნატრიუმის მაღალი შემცველობა შებერილობის ხშირი მიზეზია. ბოჭკოვანით ღარიბი საკვები მომნელებელ ტრაქტში აირების წარმოქმნას უწყობს ხელს. „ფასტ-ფუდი“ მეტეორიზმთან ერთად ყაბზობასაც იწვევს, რაც ჰემოროიდების, თიაქრებისა და დივერტიკულიტის რისკს ზრდის.
დამუშავებული საკვები, განსაკუთრებით შემწვარი პროდუქტები და საწებლები ძნელი მოსანელებელია. როდესაც, ორგანიზმს მისი მონელება უჭირს, ის მსხვილ ნაწლავში ხვდება და ცხიმოვან მჟავად გადაიქცევა, რაც დიარეას იწვევს.
განწყობის ცვლილება
ის, რასაც ვჭამთ და ვსვამთ აისახება ჩვენს განწყობაზეც. „სწრაფი კვების“ პროდუქტები მინერალებით, ვიტამინებითა და საკვები ნივთიერებებით ღარიბია, რაც კარგი განწყობისთვის აუცილებელია. კვლევები აჩვენებს, რომ მაღაზიაში შეძენილი დამუშავებული ნახშირწყლებით მდიდარი პროდუქტები დეპრესიის განვითარების მაღალ რისკთან ასოცირდება.
დაღლილობის შეგრძნება
როდესაც დამუშავებული ნახშირწყლებით მდიდარ საკვებს ვღებულობთ, სისხლში შაქრის დონე მატულობს, შემდეგ კი ეცემა, რაც დაღლილობის შეგრძნებას იწვევს. თუ პრობლემის გადასაჭრელად და გამოსაფხიზლებლად შაქრიან ყავას მიირთმევთ, ციკლი ხელახალა დაიწყება.
ნაყოფიერება
ფტალატები და სინთეზური ქიმიკატები, რომლებიც პლასტმასსში გვხვდება, მას გამძლეობას ანიჭებს. ქიმიური ნივთიერებებითაა გაჯერებული „ფასთ-ფუდის“ შეფუთვაც. ბოლო კვლევები კი აჩვენებს, რომ ფტალატები ნაყოფიერებაზე ახდენს ნეგატიურ ზეგავლენას. ამასთან, ქიმიკატი შესაძლოა, ბავშვებში სწავლისა და ქცევითი დარღვევების მიზეზი გახდეს.
სტომატოლოგიური პრობლემები
ნახშირწლებისა და შაქრის მაღალი შემცველობა პირის ღრუში მჟავების რაოდნეობას ზრდის, რაც მინანქრისთვის საზიანოა. ასეთ დროს კარიესის, კბილების გაფუჭებისა და ღრძილების ანთების რისკი მატულობს.
კანის პრობლემები
შაქარი კოლაგენის გამომუშავებას ამცირებს. „ფასთ-ფუდი“ კანის დაბერების პროცესს აჩქარებს და ნაოჭების განვითარებას უწყობს ხელს. მარილის მაღალი შემცველობა კი შეშუპებული უპეების მიზეზი ხდება.რაც შეეხება ნაჯერ ცხიმებს, ის აკნეს გამომწვევი ჰორმონების დონის მატებას უწყობს ხელს.
მეხსიერების პრობლემები
ექსპერტები ფიქრობენ, რომ ნაჯერი და ტრანს ცხიმები თავის ტვინში ცხიმოვანი ფოლაქების წარმოქმნას უწყობს ხელს. ისინი, ვინც ხშირად მიირთმევენ „ფასთ-ფუდს“ დემენციის და ალცჰაიმერის დაავადების განვითარების რისკი სამჯერ მეტი აქვთ, ვიდრე მათ, ვინც უარს ამობობს სწრაფ კვებაზე.