როდის შეიძლება განვითარდეს ბრონქოსპაზმი
დაზიანებული ბრონქების ლორწოვანი გარსი შუპდება და იწყება ანთებითი პროცესი. ბრონქების ირგვლივ არსებული კუნთები იკუმშება და მის სანათურს ავიწროებს. სანათურის შევიწროების შედეგად ფერხდება სასუნთქ გზებში ჰაერის ნაკადის გავლა.
ბრონქოსპაზმი ვითარდება ფილტვების ქრონიკული ობსტრუქციული დაავადების დროს. ფილტვების ქრონიკული ობსტრუქციული დაავადება აერთიანებს რამდენიმე დაავადებას: ქრონიკულ ბრონქიტს, ბრონქულ ასთმას, ფილტვების ემფიზემას.
ძირითადი ფაქტორები, რომლებმაც შეიძლება ბრონქოსპაზმი გამოიწვიოს, არის:
- თამბაქოს კვამლი;
- საწარმოო მტვერი - ქვის, ხის, სამშენებლო მასალის, ლითონის;
- დაბინძურებული ჰაერი - საწვავის გამონაბოლქვი;
- მძაფრი, მკვეთრსუნიანი ნივთიერებები - სუნამოები, საღებავები, გამხსნელები;
- ალერგიული ბუნების გამღიზიანებლები: მცენარის მტვერი, ოთახის მტვერი, ბეწვი ან ბუმბულის ნაწილაკები, მედიკამენტები
ყველაზე ხშირად ბრონქოსპაზმი ვითარდება წელიწადის იმ პერიოდში, როდესაც ხშირია სასუნთქი გზების ინფექციები.
ბრონქოსპაზმის დამახასიათებელი სიმპტომებია: სუნთქვის, უმეტესად ამოსუნთქვის გაძნელება, მოხრჩობის პერიოდული შეტევები, ხველა, ხმაურიანი სუნთქვა. ამოსუნთქვის დროს გარშემო მყოფებს ესმით სტვენა და ხიხინი.
