რას ნიშნავს ფილტვების ინტერსტიციული დაავადება
რომელთა მთავარი სამიზნე ინტერსტიციუმია - ალვეოლების (ჰაერით სავსე უმცირესი ბუშტუკების) ირგვლივ არსებული ქსოვილი. როდესაც ინტერსტიციუმში ანთება ვითარდება ან ხდება დანაწიბურება თანდათან ირღვევა სუნთქვის პროცესი და სისხლში საკმარისი რაოდენობის ჟანგბადი ვეღარ გადადის.
დაავადების მიზეზიდან გამომდინარე შესაძლოა დაზიანდეს ალვეოლები, სისხლძარღვები, სასუნთქი გზები.
ფილტვების ინტერსტიციული დაავადება შესაძლოა გამოიწვიოს საშიშ ნაერთებთან (მაგალითად, აზბესტთან) ხანგრძლივმა კონტაქტმა, ზოგიერთი ტიპის ავტოიმუნურმა დაავადებამ (მაგალითად, რევმატოიდულმა ართრიტმა). ზოგჯერ კი დაავადების მიზეზი უცნობია, ამ დროს ფილტვების ინტერსტიციულ დაავადებას იდიოპათიურს უწოდებენ. მისი ყველაზე გავრცელებული და მძიმე ფორმაა ფილტვების იდიოპათიური ფიბროზი.
ფიბროზის თავიდან ასაცილებლად და მისი განვითარების შესანელებლად აუცილებელია ექიმთან დროული ვიზიტი.
სიმპტომები დაავადების მიზეზის შესაბამისად იცვლება, თუმცა ძირითადი სიმპტომები საერთოა: მშრალი ხველა, ქოშინი, რომელიც მოსვენების დროსაც შეინიშნება, ხოლო ფიზიკური დატვირთვის დროს უფრო მძიმდება.
ფილტვების ინტერსტიციული დაავადება ვითარდება მაშინ, როდესაც დამაზიანებელი ფაქტორის ზემოქმედების პასუხად ფილტვებში პათოლოგიური დანაწიბურების რეაქცია იწყება. ალვეოლების ირგვლივ არსებული ქსოვილი ნაწიბურდება, რაც სისხლში ჟანგბადის გადასვლას ართულებს.
დამაზიანებელი ფაქტორი შეიძლება იყოს ტოქსინი, რომელიც ჰაერის საშუალებით ვრცელდება გარემოში. ეს ნაწილაკებია: კვარცის მტვერი, აზბესტის ბოჭკოები, მარცვლეულის მტვერი, ფრინველებისა და ცხოველების ფეკალიები. ასევე შესაძლოა გამოიწვიოს ზოგიერთმა მედიკამენტმა და მკურნალობის ზოგიერთმა მეთოდმა.
სამედიცინო მდგომარეობებიდან ფილტვების დაზიანება შესაძლოა ავტოიმუნურმა დაავადებებმა(რევმატოიდული ართრიტი, სკლეროდერმია, შერეული შემაერთებელქსოვილოვანი დაავადება, შეგრენის სინდრომი )გამოიწვიოს.
არსებობს ისეთი ფაქტორებიც, რომლებიც ადამიანს მეტად მიდრეკილს ხდის დაავადებისადმი, მაგალითად, პროფესიული და გარემო ფაქტორები (მრეწველობაში მომუშავეებს, ფერმერებს, მშენებლებს, ტოქსიკური ნაერთების გარემოში მყოფ ადამიანებს დაავადების მაღალი რისკი აქვთ), აქტიური მოწევა
ფილტვების ინტერსტიციული დაავადების დროს მნიშვნელოვანია ცხოვრების წესის მოწესრიგება, მოწევისთვის თავის დანებება, სწორი კვება ადეკვატური ოდენობის კალორიის მიღება, დროული ვაქცინაცია, ვინაიდან სასუნთქი გზების ინფექცია დაავადების სიმპტომებს ამძიმებს.