გულის შეტევა - რა იწვევს, როგორ ვუშველოთ, ნახეთ ძალიან საინტერესო ვიდოინსტრუქცია
გულის შეტევა (ინფარქტი) და ინსულტი სიკვდილიანობის ერთ-ერთ ყველაზე გავრცელებულ მიზეზს წამოადგენს მსოფლიოში.
და რა არის გულის შეტევის მიზეზი?
სხვა კუნთების მსგავსად გული საჭიროებს ჟანგბადს, რის ნაკლებობასაც განიცდის შეტევის დროს.
კორონარული არტერიების კედლებზე ილექება ცხიმოვანი ნადები ანუ ათეროსკლეროზული ფოლაქები. კორონარული არტერიები გულის მკვებავი სისხლძარღვებია, რომლითაც გულს მიეწოდება ჟანგბადი და საკვები ნივთიერებები.
ათეროსკლეროზული ფოლაქები იზრდება, ხდება სტაბილური და ანთებადი. და ეს ფოლაქები ხდებიან სისხლძარღვების ბლოკირების მიზეზი.
თუ ფოლაქების ზედაპირის მთლიანობა დაირღვა, სისხლის უჯრედები-თრომბოციტები გროვდებიან დაზიანების ადგილას, რათა აღადგინონ იგი. ამ გროვამ შეიძლება ნაწილობრივი დაბლოკილი არტერია სრულად დაბლოკოს და გამოიწვიოს გულის შეტევა – ინფარქტი.
შედეგად, გულის კუნთისთვის სისხლის მიწოდება წყდება და უჯრედები განიცდიან რა ჟანგბადის ნაკლებობას, იწყებენ კვდომას. ეს არის მიოკარდიუმის ინფარქტი. მდგომარეობა მძიმდება თუ მკურნალობა არ იქნა დროული.
ტრავმირებულ გულის კუნთს აღარ შეუძლია სისხლის გადატუმბვა. შესაბამისად, გულის რიტმი ირღვევა, უარეს შემთხვევაში გულის შეტევა სიკვდილით შეიძლება დასრულდეს.
რა მიანიშნებს გულის შეტევაზე?
გავრცელებული სიმპტომია ტკივილი გულმკერდის არეში, რაც გამოწვეულია გულის კუნთისთვის ჟანგბადის მიწოდების ნაკლებობით. პაციენტები ტკივილს აღწერენ როგორც ზეწოლას ან მოჭერითი ხასიათის ტკივილს მკერდის არეში, რომელიც შეიძლება გავრცელდეს მარცხენა ხელში, ყბაში, გვერდში ან მუცელში. თუმცა ეს ყოველთვის უცბად, დრმატულად, კლასიკურად არ ხდება. ზოგჯერ გამოხატულია გულისრევის შეგრძნება და ქოშინი.
სიმპტომები შეიძლება ნაკლებად გამოხატული იყოს ქალებში და მოხუცებში.
მათთვის სისუსტე და დაღლილობა შეიძლება იყოს ძირითადი სიგნალი. და რაოდენ გასაკვირიც არ უნდა იყოს, დიაბეტით დაავადებეულებში გულის შეტევა შეიძლება უსიმპტომოდ მიმდინარეობს, ნერვული სისტემის დაზიანების გამო.
გულის შეტევაზე ეჭვის დროს მთავარია სწრაფი რეაგირება, თუკი არის შესაძლებელი სასწრაფო დახმარების გამოძახება, ეს არის ყველაზე სწრაფი გზა კვალიფიციური დახმარების აღმოსაჩენად.
ასპირინი, რომელიც ათხელებს სისხლს და ნიტროგლიცერინი რომლიც ხსნის სპაზმს არის დაცვა მდგომარეობის გაუარესებისგან.
გადაუდებელი დახმარების ექიმები ელექტროკარდიოგრამით და სისხლის ანალიზით აფასებენ გულის კუნთის დაზიანებას, რის შემდეგ პაციენტი გადაყვანილ იქნება მაღალტექნოლოგიურ კარდიოლოგიურ განყოფილებაში, სადაც ტარდება გამოკვლევები დაბლოკილი სისხლძარღვის გამოსავლენად.
დაბლოკილი არტერიის გამტარებლობის აღდგენა შესაძლებელია პროცედურით რომელსაც "ბალონური ანგიოპლასტიკა" ჰქვია, რაც გულისხმობს კორონარული არტერიის სანათურის აღდგენას სპეციალური მოწყობილობის - ბალონისა და სტენტის საშუალებით.
უფრო ფართო ბლოკირების დროს კი კორონალური არტერიის შუნტირებას აკეთებენ. იყენებენ ვენას ან არტერიას სხეულის სხვა ნაწილიდან და შესაძლებელი ხდება სისხლის გულისთვის მიწოდება შევიწროებული სეგმენტის შემოვლით, შედეგად, აღდგება გულის ფუნქცია.
ინფარქტის მკურნალობა შესაძლებელია, მაგრამ პროფილქტიკა სასიცოცხლოდ მნიშვნელოვანია. კარდიოვასკულური დაავადებების უმრავლესობა გამოწვეულია ისეთი რისკ–ფაქტორებით, როგორიცაა მემკვიდრეობითი ფაქტორი და არაჯანსაღი ცხოვრების წესი.
ფიზიკური ვარჯიში, ჯანსაღი კვება და წონის კორექცია მნიშვნელოვნად ამცირებს ინფარქტის რისკს. რეკომენდებულია ვარჯიში კვირაში რამდენიმე დღე.
სწორი კვება გულისხმობს მენიუში შაქრისა და ნაჯერი ცხიმების შეზღუდვას; კონკრეტულად, მენიუში უნდა შედიოდეს ბოსტნეული, ქათამი და თევზი (არ არის სასურველი წითელი ხორცი). სრულმარცვლოვანი ფაფები და კაკალი(ბერძნული კაკალი და ნუში).
სწორი კვება უზრუნველყოფს წონის კონტროლსაც, რაც ასევე ამცირებს ინფარქტის რისკს.
და ბოლოს, მედიკამენტურ მკურნალობას შეუძლია ინფარქტის აღკვეთა.
მაგ; დაბალი დოზით ასპირინის მიღება(ექიმის დანიშნულებით), განსაკუთებით პაციენტებში რომელთაც უკვე ჰქონდათ ინფაქრტი და არიან მაღალი რისკის ქვეშ.
ხოლო წამლები, რომელიც აკონტროლებენ არტერიულ წნევას, ქოლესტერინსა და დიაბეტს, ასევე ამცირებენ ინფარქტის რისკს.
მიუხედავად იმისა, რომ გულის შეტევა გავრცელებული მოვლენაა, შესაძლებელია მისი თავიდან აცილება.
ჯანსაღი დიეტა, თამბაქოზე უარი, ჯანსაღი ძილი, დადებითი განწყობა და ენერგიულობა – ყველაფერი ეს ახანგრძლივებს თქვენი გულისა და მთლიანად სხეულის სიჯანსაღეს.