დედამიწაზე მცხოვრები ადამიანების 50%-ს აქვს ბაქტერია Helicobacter pylori. მეცნიერები გვახსენებენ ბაქტერიას, რომელიც იწვევს კუჭის კიბოს
დედამიწაზე მცხოვრებ ადამიანების ნახევარი ინფიცირებულია ბაქტერიით Helicobacter pylori, რომელიც იწვევს კუჭის კიბოს განვითარებას. თუმცა, მისი სკრინინგი საკმაოდ რთულია.
ჯერ კიდევ 1982 წელს ორმა ავსტრალიელმა ექიმმა - მეცნიერმა მოახერხა სპირალური ფორმის ბაქტერიის აღმოჩენა, რომელიც განსაზღვრავს მის ფუნქციას დაასევე ორგანიზმის ყველაზე აგრესიულ გარემოში - კუჭის მჟავა გარემოში ცხოვრების უნარს. და ამ ბაქტერიამ შეიძლება გამოიწვიოს სერიოზული პათოლოგიები, მათ შორის კიბო.
Helicobacter pylori-ის სპირალური ფორმა და გრძელი ჟგუტები ეხმარება პათოგენს შეაღწიოს კუჭისა და თორმეტგოჯა ნაწლავის ლორწოვან გარსში. კუჭის ლორწოვან გარსში ბაქტერიის ცხოვრებას უზრუნველყოფს ფერმენტი. აღნიშნული ფერმენტი იცავს მას კუჭის მჟავა გარემოს აგრესიული ზემოქმედებისგან. ესფერმენტი შლის კუჭის შარდოვანას ნეიტრალურ ამიაკად და აქცევს მისი გადარჩენისთვის შესაფერის გარემოდ. ქრონიკული ანთების გამო იწყება ისეთი ტიპისცვლილებები, რამაც შეიძლება მომავალში პრობლემები გამოიწვიოს.
2005 წელს ბაქტერიის H. pylori-ს სამედიცინო მნიშვნელობის აღმომჩენებს, რობინ უორენს და ბარი მარშალს, მიენიჭათ ნობელის პრემია მედიცინაში.
მათ დაამტკიცეს რომ აღნიშნული ბაქტერია იწვევს კუჭისა და თორმეტგოჯა ნაწლავის წყლულოვან დაავადებას და კიბოს.
ამჟამად, ტაივანის მეცნიერებს აინტერესებთ, დაეხმარება თუ არა განავლის გამოკვლევა ასეთი ბაქტერიის არსებობის აღმოჩენაში კუჭის კიბოს ადრეულიპრევენციისთვის. ცნობილია, რომ ადენოკარცინომა კიბოს ერთ-ერთი ყველაზე გავრცელებული სახეობაა. გარდა ამისა, ბაქტერია H. pylori, როგორცმკვლევარებმა დაადგინეს, ასევე არის ისეთი ავთვისებიანი სიმსივნის განვითარების გამომწვევი, როგორიცაა ლიმფომა. და თუ შესაძლებელია ადრეულსტადიაზე კუჭის კიბოს რისკის მქონე ადამიანების იდენტიფიცირება, მაშინ შესაძლებელია დაავადების განვითარების შენელება და წარმატებული მკურნალობა.
აღსანიშნავია, რომ სკრინინგისთვის Helicobacter pylori რთული ბაქტერიაა. მისი მატარებლები შეადგენენ მსოფლიოს მოსახლეობის ნახევარს, მაგრამ ყველა მათგანს არ აწუხებს გასტრიტი, წყლული და, რა თქმა უნდა, კიბო. მაგრამ მათთვის, ვინც მგრძნობიარეა გენეტიკის, კვების რეჟიმის, გარემოს ან ყველა ფაქტორის კომბინაციის გამო, ინფექციამ შეიძლება გამოიწვიოს მძიმე ანთება.
ასე რომ, თქვენ არ უნდა უგულებელყოთ სამედიცინო გამოკვლევის ჩატარება, მნიშვნელოვანია შეამოწმოთ ასეთი პათოგენის არსებობა და დროულად ჩაიტაროთ მკურნალობა.
მიუხედავად იმისა, რომ ადამიანთა ნაწილს ინფიცირების ნიშნები არ გააჩნია, რიგ შემთხვევებში ვლინდება: მუცლის არალოკალური ტკივილი, სიმძიმის შეგრძნება, გულძმარვა, შებერილობა.
დიაგნოსტირების სტანდარტს წარმოადგენს სწრაფი სუნთქვითი ტესტი, რომელიც განსაზღვრავს პაციენტის მიერ ამოსუნთქულ ჰაერში ჰელიკო ბაქტერიის არსებობას და მის კონცენტრაციას. აღნიშნული კვლევა ტარდება ექიმის რეკომენდაციით კუჭ-ნაწლავის ტრაქტის დაავადებების დიაგნოსტირების, მკურნალობისა და პროგნოზირებისთვის. ამ ტიპის კვლევა განსაკუთრებით ხშირად ინიშნება იმ პაციენტების შემთხვევაში, რომელთაც შემდეგი რისკ-ფაქტორები გააჩნიათ: ოჯახის წევრის ინფიცირება ჰელიკობაქტერიით, კუჭ-ნაწლავის სხვადასხვა ტიპის წყლულოვანი დაავადების გენეტიკური ისტორია, ხანგრძლივი დროით ანთების საწინააღმდეგო არასტეროიდული პრეპარატების გამოყენება. განაგრძეთ კითხვა
