ლალი ჩხიკვაძე

ასეთი ფაქტორებია:

• ცივი ან მეტისმეტად მშრალი ჰაერით სუნთქვა;

 

• ატმოსფეროს დამტვერიანება, აირებით დაბინძურება, თამბაქოს კვამლი;

 

• ცხვირის ძგიდის გამრუდება (თანდაყოლილი ან ტრავმული);

 

• სისხლის მიმოქცევის დარღვევით მიმდინარე ქრონიკული დაავადებები (გულის მანკი, ფილტვების ემფიზემა).

 

გამოყოფენ ქრონიკული ინფექციური რინიტის სამ ძირითად ფორმას:

1. კატარულს;

2. ჰიპერტროფიულს;

3. ატროფიულს.

კატარული ქრონიკული რინიტის სიმპტომებია:

• ცხვირის პერიოდული გაჭედილობა, განსაკუთრებით - ზურგზე წოლისას. გვერდზე გადაბრუნებისას გაჭედილი რჩება ქვევით არსებული ნესტო;

• ცხვირიდან უფერული ან მომწვანო ფერის ჭარბი გამონაყოფი.

• სუნთქვას ეფექტურად აღადგენს სისხლძარღვების შემავიწროებელი წვეთები: ფენილეფრინი (ვიბროცილი), ქსიმეტაზოლინი (ოტრივინი, გალაზოლინი), ოქსიმეტაზოლინი (ნაზივინი, ნაზოლი), ნაფაზოლინი (ნაფტიზინი, სანორინი).

მკურნალობა

მიუხედავად იმისა, რომ ნაზივინი და გალაზოლინი 7-8 საათით ხსნის ცხვირს, მათი მუდმივი გამოყენება არ შეიძლება - 3-5 დღის შემდეგ შესაძლოა განვითარდეს შეჩვევა, ამიტომ სასურველია, მიმართოთ ოტორინოლარინგოლოგს, რომელიც დაადგენს, რომელი წვეთები იქნება ეფექტური თქვენთვის.

ძველი ხალხური საშუალება, ქრონიკული სურდოს დროს ზღვის წყლით ცხვირის გმორეცხვა, იზოტონური და ჰიპერტონული ხსნარების ფართო არჩევანის წყალობით საყოველთაოდ ხელმისაწვდომი გახდა. მათ შემადგენლობაში ხშირად შედის ანთების საწინააღმდეგო ეფექტის მქონე მცენარეული ექსტრაქტებიც: ევკალიპტისა, ალოესი, გვირილისა.

თუ მკურნალობა უეფექტო აღმოჩნდა, ექიმმა პაციენტს შესაძლოა შესთავაზოს ოპერაცია - კრიოდესტრუქცია, ულტრაბგერითი დეზინტეგრაცია ან ლაზერული ფოტოდესტრუქცია.

ქრონიკული ჰიპერტროფიული რინიტის სიმპტომები

• ცხვირი მუდმივად გაჭედილია;

 

• სისხლძარღვთა შემავიწროებელი წვეთები პრაქტიკულად არ შველის;

 

• ადამიანი ვეღარ აღიქვამს სუნს;

 

• უჩივის თავის ტკივილს;

 

• სმენის გაუარესებას;

 

• ხმა დუდღუნა უხდება.

მკურნალობა

ეფექტურია მხოლოდ ქირურგიული მკურნალობა - ცხვირის ქვედა ნიჟარების ულტრაბგერითი, ლაზერული ან კრიოდესტრუქცია.

ქრონიკული ატროფიული რინიტის სიმპტომები

• მუდმივი სიმშრალის შეგრძნება ცხვირში;

 

• ცხვირიდან ხშირი სისხლდენა;

 

• ყნოსვის გაუარესება;

 

• ცხვირში მშრალი, ძნელად მოსაცილებელი ქერქების დაგროვება.

მკურნალობა

მშრალი ქერქების არსებობისას კარგია ცხვირის გამორეცხვა ტუტე ხსნარებით.

პერიოდულად ინიშნება ტუტე-ზეთოვანი ინჰალაცია. რეკომენდებულია ზეთოვანი ხსნარების ცხვირში ჩაწვეთებაც. თუ პაციენტს თაფლის ნაწარმზე არ აქვს ალერგია, შეიძლება ქრონიკული სურდოს მკურნალობა პროპოლისით.

სიმშრალის შესამცირებლად და გაღიზიანების მოსახსნელად გამოიყენება ალოეს ან კალანჰოეს წვენი.

გარდა ინფექციისა, ქრონიკული სურდოს მიზეზი შეიძლება იყოს ალერგიაც (ალერგიული რინიტი). სეზონური ალერგიული სურდო ადვილი ამოსაცნობია - ის ემთხვევა სარეველებისა და ხეების ყვავილობას. ცრემლდენა, ცემინება და ჭარბი რინორეა მთელი სეზონის განმავლობაში გრძელდება და ყვავილობის დასრულების შემდეგ უკვალოდ ქრება.

არსებობს საყოფაცხოვრებო ალერგენებთან დაკავშირებული ალერგიული რინიტიც, რომელიც მთელი წელი გასტანს.

ალერგენის აღმოჩენა ყოველთვის არ არის იოლი. ამისთვის სპეციფიკური კანის ან ნაზალური სინჯები უნდა ჩატარდეს.

წაიკითხეთ სრულად