სტომატოლოგიური ორთოპედიის ახალი ერა
მისი ერთ-ერთი დარგი - ორთოპედია დღეს თანამედროვე სტომატოლოგიაში უახლესი მიღწევაა ცერეკ სისტემა. ცერეკის სისტემის საშუალებით შესაძლებელია ერთ ვიზიტში აღიდგინოთ დაზიანებული კბილი.
ბლიც დენტალი - კახაბერ ხარებავას კლინიკა, შექმნის დღიდან CEREC სისტემით მუშაობს, კლინიკა და ლაბორატორია სრულად აღჭურვილია ცერეკ ტექნოლოგიებით.ბლიც დენტალის ექიმი ორთოპედი რამაზ ცხვარაძე ცერეკ სისტემის შესაძლებლობებსა და უპირატესობებზე დეტალურად გვესაუბრება.
მოგვიყევით ცერეკ აპარატის შესახებ, როგორია მისი მუშაობის პრინციპი?
CEREC სისტემა შესაძლებლობას გვაძლევს შევქმნათ კბილის კონსტრუქცია და დავამზადოთ ბიოთავსებადი, ბუნებრივი კბილების სტრუქტურასთან მაქსიმალურად მიახლოებული რესტავრაციები. ეს შეიძლება იყოს: გვირგვინები, ვინირები, ჩანართები, ხიდისებრი კონსტრუქციები და ა. შ.
ტრადიციული მეთოდისგან განსხვავებით, კბილის ტექნიკის სამუშაოს ასრულებს კომპიუტერი, იუველირული სიზუსტით. ჩვეულებრივი ანაბეჭდის ნაცვლად ექიმი იყენებს დელიკატურ ოპტიკურ ანაბეჭდს. მიღებული კონსტრუქცია იმდენად ზუსტია, რომ არ საჭიროებს კორექტირებას. რესტავრაციები კი მზადდება მაღალხარისხიანი, მყარი კერამიკისაგან ან ცირკონიუმის ოქსიდისაგან.
რა არის ცერეკ აპარატის ძირითადი უპირატესობები?
CEREC-ის მთავარ უპირატესობად მოიაზრება ის, რომ კბილის აღდგენა შესაძლებელია მხოლოდ ერთ ვიზიტში. რესტავრაციები არ შეიცავს მეტალს, ხდება კბილის ქსოვილის მინიმალური დამუშავება, რესტავრაციის შემდეგ კბილი გამოიყურება ბუნებრივად, ხოლო შედეგი არის მყარი და გარანტირებული.
მარტივად რომ ვთქვათ, ცერეკ სისტემის უპირატესობებია: სისწრაფე, ხარისხი, სიზუსტე, ნაკლებად ინვაზიურობა და სიმარტივე.
თანამედროვე მსოფლიოში დრო ძალიან ძვირად ფასობს. თუ აქამდე ერთი კბილის რესტავრაციას რამდენიმე დღე და ვიზიტი სჭირდებოდა, ამ უახლესი ციფრული ტექნოლოგიის წყალობით კბილის აღდგენა ძალიან სწრაფად არის შესაძლებელი.
როგორ ხდება ციფრულად კბილის ანაბეჭდების (ზომის) აღება?
სპეციალური სკანერის საშუალებით ხდება პირის ღრუს ციფრული სკანირება. ეს ცდომილებას მინიმუმამდე ამცირებს და საშუალებას გვაძლევს თავი ავარიდოთ მასთან დაკავშირებულ უსიამოვნო ეტაპებს. ციფრულ ფორმატში მიღებული შედეგი ციფრულადვე იგზავნება ლაბორატორიაში, სადაც კბილების მოდელირება/დამზადება ხდება.
რა განსაზღვრავს ცერეკ აპარატით დამზადებული კბილების სიზუსტეს?
ტრადიციული მეთოდით, ზომის აღება ხდება თაბაშირის ან სილიკონის საშუალებით. ზომის აღების შემდეგ ის შრება, რაც ბუნებრივად იწვევს მცირე შევიწროებას. ციფრულად აღებული ზომა კი უზუსტესია. მისი მოდელირება ტრადიციულად ცვილით კი არ ხდება, არამედ - ციფრულად. მოდელირების შემდეგ კი აპარატი ჩარხავს კბილს. პროცესი სრულად ავტომატიზებულია, რაც შედეგის სიზუსტეს განსაზღვრავს.
როგორც აღნიშნეთ ცერეკ სისტემით მუშაობის პროცესი ნაკლებად ინვაზიურია. რატომ?
ციფრული ტექნოლოგიები დახმარებით შეგვიძლია შევქმნათ მაქსიმალურად თხელი კონსტრუქციები, რითაც თავიდან ვირიდებთ კბილის ქსოვილის ზედმედტ პრეპარირებას, ანუ დაქლიბვას.შედეგად, ნაკლებად ვაზიანებთ კბილის ბუნებრივ ქსოვილს, რაც ნებისმიერი სტომატოლოგიური პროცედურის დროს უმნიშვნელოვანესია. ეს იმიტომ, რომ ცერეკ სისტემა გვაძლევს საშუალობას კბილების მოდელირება და გამოჩარხვა მოხდეს მაქსიმალური სიზუსტით.
R