ლალი ჩხიკვაძე

დერმატოლოგიური დაავადებების ირგვლივ მრავალი მითი არსებობს, რაც ხელს უშლის მკურნალობასა და კანის მოვლას.

• აკნე, როზაცეა და ჰიპერპიგმენტაცია არის სამი ყველაზე გავრცელებული დერმატოლოგიური პრობლემა, რომელსაც პაციენტები აწყდებიან და რამაც შეიძლება სერიოზულად იმოქმედოს მათ ცხოვრებასა და თვითშეფასებაზე. მიუხედავად იმისა, რომ თანამედროვე დერმატოლოგია ფლობს შესაბამის არსენალს, ბევრს ურჩევნია თვითმკურნალობა.

მითი #1: აკნეს, როზაცეასა და პიგმენტაციისგან შეიძლება სამუდამოდ განკურნება

სამწუხაროდ, ეს ასე არ არის. აკნე და როზაცეა ქრონიკული დაავადებებია, რომლებიც შეიძლება გამწვავდეს სხვადასხვა ფაქტორებით. პიგმენტაცია შეიძლებაგანვითარდეს, განსაკუთრებით მზისგან სათანადო დაცვის გარეშე. მკურნალობის მიზანია გრძელვადიანი რემისიის მიღწევა და შემდეგ ჯანსაღი კანის შენარჩუნება.

მითი #2: ლაზერის ერთი პროცედურა საკმარისია პიგმენტაციის ხანგრძლივად მოსაშორებლად.

ლაზერს ნამდვილად შეუძლია გააფერმკრთალოს პიგმენტური ლაქები, მაგრამ ყოველთვის არ იძლევა პრობლემის გადაჭრის გარანტიას. ზოგჯერ, ლაზერის აგრესიულმა ეფექტმა შეიძლება გამოიწვიოს კიდევ უფრო გამოხატული პიგმენტაცია, განსაკუთრებით მუქი კანის მქონე ადამიანებში. ამიტომ პიგმენტაციის ლაზერულ მკურნალობას სიფრთხილით უნდა მივუდგეთ და შევარჩიოთ კვალიფიციური და გამოცდილი სპეციალისტი.

მითი #3: აკნე მხოლოდ თინეიჯერების პრობლემაა

აკნე შეიძლება არა მხოლოდ 25 წლის შემდეგ არ გაქრეს, არამედ შესაძლოა პირველად გამოჩნდეს ნებისმიერ ასაკში. მოზრდილებში აკნე საკმაოდ ხშირია და უმრავლეს შემთხვევაში ასოცირდება ჰორმონალურ ცვლილებებთან, სტრესთან და კანის მოვლის არასწორ პრაქტიკასთან.

მითი #4: როზაცეა მხოლოდ კანის სიწითლეა და არა დაავადება, ამიტომ მკურნალობა არ არის საჭირო.

ეს არის კანის ქრონიკული დაავადება, რომელიც შეიძლება გამოვლინდეს კანის სიწითლის, კანის წვრილი სისხლძარღვების გაფართოების და გამონაყარის სახით (პაპულები და პუსტულები). გარდა იმისა, რომ მას სჭირდება დერმატოლოგის მხრიდან მკურნალობა, მნიშვნელოვანია მომავალში მისი გამწვავებისთავიდან აცილებაც, რაც ნიშნავს ცხოვრების წესის შეცვლას.

მითი #5: გარუჯვა ხელს უწყობს პიგმენტური ლაქების გაქრობას და აკნეს განკურნებას

ეს მცდარი აზრია. დიახ, მზე აშრობს პრობლემურ ანთებით ადგილებს და ცოტა ხნით კანს სუფთა შესახედაობას ანიჭებს. მაგრამ შემდეგ პრობლემა ისევ ბრუნდება, რადგან ულტრაიისფერი გამოსხივება, პირიქით, იწვევს აკნეს გამწვავებას. ის ასევე აძლიერებს პიგმენტაციას და არის როზაცეას გამომწვევი. მზისგან სათანადო დაცვა აუცილებელია ჯანსაღი კანისთვის.

მითი #6: აკნეს განკურნება შესაძლებელია მხოლოდ ძვირადღირებული პროდუქტებით

სინამდვილეში, აკნეს ეფექტური მკურნალობა ყოველთვის არ მოითხოვს დიდ ფინანსურ ხარჯებს. მნიშვნელოვანია აირჩიოთ სწორი მოვლის საშუალება, რომელიც შეესაბამება თქვენს კანს და მიჰყვეთ დერმატოლოგის რეკომენდაციებს.

მითი #7: კანის დაავადებების სამკურნალოდ ფსიქოთერაპია შარლატანობაა

სტრესი შეიძლება იყოს არა მხოლოდ ცუდი განწყობის მიზეზი, არამედ კანის პრობლემების გამომწვევი. დადასტურებულია, რომ მუდმივი სტრესი და შფოთვაპირდაპირ გავლენას ახდენს მის მდგომარეობაზე. სწორედ ამიტომ, აკნესა და როზაცეას თანამედროვე მკურნალობაში სულ უფრო ხშირად იყენებენ არამხოლოდ კრემებსა და პროცედურებს, არამედ ნერვული სისტემის დამამშვიდებელ მეთოდებსაც: რელაქსაცია, ფსიქოთერაპია და მედიტაციაც კი.

მითი #8 დღეს იმდენი ინფორმაციაა ხელმისაწვდომი, რომ შეგიძლიათ ონლაინ მკურნალობა.

მნიშვნელოვანია გვესმოდეს, რომ მკურნალობა ყოველთვის ინდივიდუალურია. კანის პრობლემების მიზეზები ყველასთვის განსხვავებულია: ზოგისთვის ესარის კუჭ-ნაწლავის ტრაქტის პრობლემები, ზოგისთვის ჰორმონული დისბალანსი. სწორედ ამიტომ უნივერსალური რჩევები კვებისა თუ მოვლის შესახებ ხშირად უსარგებლო, ან მავნეა.

ნუ გადადებთ ექიმთან ვიზიტს. კანის ჯანმრთელობა არ არის მხოლოდ სილამაზის საკითხი. ის ორგანიზმის ზოგადი ჯანმრთელობის გამოხატულებაცაა. პირველი ნაბიჯი იქნება გასინჯვა. დერმატოლოგი დაგინიშნავთ ანალიზებს. შედეგების მიხედვით, ექიმი შეარჩევს მკურნალობას ან გირჩევთ კვების რაციონის კორექტირებას. გარდა ამისა, სპეციალისტი გირჩევთ სახის კანის მოვლის საშუალებებს და საჭიროების შემთხვევაში დაგინიშნავთ პროცედურებს - ღრმა წმენდიდან აპარატურულ ან ინექციურ მეთოდამდე.

პროფილაქტიკა:

კანის სილამაზისა და სიჯანსაღის შესანარჩუნებლად მნიშვნელოვანია არა მხოლოდ არსებული პრობლემების სწორად მკურნალობა, არამედ პროფილაქტიკა.

• პიგმენტაციისგან დასაცავად. მთავარი დაცვაა კრემი SPF-ით, მოღრუბლულ ამინდშიც კი. არ დაივიწყოთ დაბალანსებული კვება და ასევე შეავსეთ რკინისდეფიციტი კლინიკურად დადასტურების შემთხვევაში.

• აკნეს შემთხვევაში. კანის საფუძვლიანი წმენდა ყოველდღიური რიტუალი უნდა იყოს. ყურადღება მიაქციეთ რა საკვები ან ფაქტორები იწვევს აკნეს დამოერიდეთ მათ.

• როზაცეას დროს. ზედმეტად ნუ გადაახურებთ კანს! მოერიდეთ საუნებს, აბანოს, მზის ხანგრძლივ ზემოქმედებას, ასევე ცხარე სანელებლებს და ყველაფერს, რაც აძლიერებს სისხლის ნაკადს სახეზე, მათ შორის მასაჟს.

სწორი დიაგნოზი და მკურნალობის ინდივიდუალური გეგმა არის წარმატების გასაღები აკნეს, როზაცეას და პიგმენტაციის წინააღმდეგ ბრძოლაში.