რომელი საშიში დაავადების ნიშანი შეიძლება იყოს ყნოსვის დაკარგვა
ცნობილია, რომ ბეტა-ამილოიდური ფოლაქები, რომლებიც ალცჰაიმერის დაავადების დროს გროვდება ქსოვილებში, ხშირად ჩნდება ყნოსვის ცენტრებში მანამდე, ვიდრე ისინი ტვინის სხვა მიდამოებში ნეირონებს დააზიანებენ. თუმცა ჯერჯერობით უცნობია ალცჰაიმერის დაავადება იწყება თუ არა ყნოსვის გაუარესებით.
მეცნიერებმა გააანალიზეს Memory and Aging Project (MAP) კვლევაში მონაწილე 515 ხანდაზმული ადამიანის მონაცემები, რომელთა ჯანმრთელობის მდგომარეობას 18 წლის განმავლობაში აკვირდებოდნენ. მათთან ყოველწლიურად აფასებდნენ ყნოსვის ფუნქციას, ასევე ატარებენდნენ კოგნიტიურ ტესტებსა და ნევროლოგიურ კვლევებს. 121 ადამიანის ქვეჯგუფს უტარებდნენ ტვინის მაგნიტურ-რეზონანსულ კვლევას რუხი ნივთიერების მოცულობის შემცირებაზე დაკვირვების მიზნით.
აღმოჩნდა, რომ ყნოსვის სწრაფი დაქვეითება უკავშირდება შემდგომ კოგნიტიურ დარღვევებს ან დემენციას 89 და 26%-ით შესაბამისად.