მეტეომგრძნობელობა
წვიმიანი ამინდები, მაგნიტური ქარები სტრესულ მდგომარეობაში მაგდებს. სისუსტის შეგრძნება მაქვს, ზოგჯერ თავბრუ მეხვევა. ახლობლებმა მეტეოდამოკიდებული შემარქვეს. მაინც რა ხდება ჩემს თავს?
გაზაფხულზე ამინდი ჭირვეულია და მასზე რომ ვრეაგირებთ, სავსებით ნორმალურია, თუმცა ზოგიერთი ამ ცვლილებებს ვერც კი ამჩნევს, ზოგი კი მართლაც ავადაა მეტეოდამოკიდებულებით. ხანმოკლე წვიმასაც კი მეტეოპათები ისეთ მდგომარეობამდე მიჰყავს, რომელიც ჯანმრთელისგან შორს არის. ასეთი ადამიანები ძლიერ დისკომფორტს განიცდიან: თავბრუხვევას, არტერიული წნევის მკვეთრ ცვლილებას, გულისცემის აჩქარებას, დაღლილობას, უძილობას ან პირიქით, მომეტებულ ძილიანობას. ალბათ, თქვენთვის ნაცნობია ეს სიმპტომები...
ამინდის პროგნოზი
თბილი და ცივი ჰაერის მასების შეჯახება, ატმოსფერული წნევის მკვეთრი ცვლილება და მაგნიტური ქარიშხლების მოახლოება თვითშეგრძნების გაუარესებას იწვევს. შესაძლოა, სულაც არ ვცხოვრობდეთ ისეთ სახიფათო ზონებში, სადაც ხშირია ცუნამი ან მიწისძვრა, მაგრამ ამინდის ქაოსისგან მაინც არ ვართ დაზღვეულნი.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
სტატისტიკა მოწმობს, რომ დღეს ადამიანები უფრო ხშირად განიცდიან ამინდის გავლენას, ვიდრე წინათ. იქნებ ამის მიზეზი გლობალური დათბობაა? შესაძლოა, მაგრამ რაც არ უნდა მასშტაბური იყოს ეს დათბობა, საკუთარ ორგანიზმს თქვენზე უკეთ ვერავინ დაეხმარება, იდეალურ შემთხვევაში - ექიმთან ერთად. არც მეტეოდამოკიდებულების სიმპტომებია ცოტა. მაგალითად, თბილი ჰაერის მასების მოახლოება მეტეოპათებში სისუსტეს და ძილიანობას იწვევს, მკვეთრი აცივება - თავის ტკივილს, შაკიკს, დაბნეულობას, სახსრების ტკივილს, ძლიერ ქარს თან სდევს გაღიზიანებადობა და დეპრესია.
უარყოფითი დამუხტვა
მაგნიტური ქარიშხლები სტრესს იწვევს. თუ ასეთი ბუნებრივი კატაკლიზმების დროს ხელსაწყოებიც კი მწყობრიდან გამოდიან, რაღა ვთქვათ ადამიანზე? ბევრი ჭექა-ქუხილის დროს უმიზეზოდ იწყებს ნერვიულობას. ეს იმიტომ, რომ ჰაერში გროვდება დადებითად დამუხტული იონები, ეს კი ჯანმრთელობას ნამდვილად არ რგებს. ხოლო როცა ნალექი დედამიწაზე ეშვება, უარყოფითი შეგრძნებებიც ქრება, რადგან ნაწილაკების მუხტი უარყოფითით იცვლება, ეს კი ორგანიზმზე დადებითად მოქმედებს. ამიტომ არის, რომ ძლიერი წვიმის შემდეგ მხნეობა გვემატება.
ატმოსფერული წნევის მკვეთრი დაცემისას ჰაერში მცირდება ჟანგბადის რაოდენობა, რის გამოც ადამიანი უჩივის სისუსტეს, ძილის მოთხოვნილებას, ყურადღების გაფანტვას. ატმოსფერული წნევის მატებასა და მაგნიტურ ქარიშხალზე ყველა სხვადასხვაგვარად რეაგირებს. განსაკუთრებით მგრძნობიარენი არიან პატარა ბავშვები - ისინი დისკომფორტს განიცდიან. ასევე ღიზიანდებიან ეჭვიანი ადამიანები, ჰიპოტონიკები და ჰიპერტონიკები, ასთმიანები და სახსრებით დაავადებულები.
ქალაქიდან შორს
რისკის ჯგუფში შედიან ადამიანები, რომელთაც აწუხებთ გული, ასევე - ტრავმაგადატანილები და მწეველები, ასთმიანები, მარილიანი კერძების მოყვარულები და ქრონიკული დაავადების მქონეები. თქვენც რისკის ჯგუფში ხართ, მხოლოდ იმ მიზეზით, რომ ქალი ბრძანდებით!
ქალის ორგანიზმი ჰორმონებს ემორჩილება, და თუ სისტემაში ჰორმონული დარღვევა მოხდა, მშვენიერი სქესი ამინდზე ძლიერ რეაგირებს. სიმართლეს არ შეესაბამება ის აზრი, რომ მეტეოპათები მხოლოდ ხნიერი ადამიანები არიან. ამინდთან დაკავშირებული უსიამოვნო შეგრძნებები ნებისმიერ ასაკში შეინიშნება. გლობალურმა დათბობამ გამოიწვია ის, რომ ზაფხულშიც კი, ყველაზე სტაბილურ თვეებში, კლიმატი მუდივად და მკვეთრად იცვლება. ამის ბრალია მეტეოდმოკიდებული ადამიანების რიცხვის ზრდაც. მაგრამ არსებობს სოციალური ფაქტორებიც: ცხოვრების დაძაბული რიტმი ქალაქში, მუდმივი სტრესი, დაძაბულობა...
სტატისტიკის თანახმად, ქალაქის მოსახლეობა 3-ჯერ მეტად არის მიდრეკილი მეტეოპათიისკენ, ვიდრე ისინი, ვინც ბუნების წიაღში, ქალაქისგან მოშორებით ცხოვრობს.
იცხოვრე საკუთარ თავთან თანხმობით
თუ არც ერთი შინაური საშუალება შვებას არ გგვრით, მიმართეთ ექიმს - შესაძლოა მედიკამენტური მკურნალობა გჭირდებოდეთ. სამწუხაროდ, ჩვენ ბუნებას ვერ დავამშვიდებთ, ვერ ჩავაქრობთ აფეთქებებს მზეზე, მაგრამ შეგვიძლია, ბუნებასთან თანხმობით ვიცხოვროთ. გავიხაროთ როგორც მზის, ისე წვიმის დანახვისას, არ ჩავიკეტოთ სახლებში, არ ავყვეთ თავის ტკივილსა და უგუნებობას. სპეციალისტები გვირჩევენ, რომ მეტეომგრძნობელობით გამორჩეულმა ადამიანებმა უნდა მისდიონ სპორტს. სასურველია, მიმართონ იოგას, რათა ისწავლონ საკუთარი თავის კონტროლი, თავიანთი ემოციების - როგორც დადებითის, ისე უარყოფითის - მართვა.
