ენერგიის ნაკლებობის შესაძლო მიზეზები
იყოს თქვენი რუტინის გადახედვა.
თუ თქვენ არ გაქვთ ჯანმრთელობის პროვლემებ და საკმარისად გძინავთ, მუდმივი დაღლილობის მიზეზი შესაძლოა სხვა იყოს. ენერგიის ნაკლებობის შეგრძნება შეიძლება ჩვეულებრივი იყოს, მაგრამ ეს, რა თქმა უნდა, არ არის ნორმალური.
ადამიანთა უმრავლესობისთვის პრობლემა მათი ცხოვრების წესია. თუმცა, ჩვენ შეგვიძლია შევცვალოთ ეს ჩვევები - და პოტენციურად გავზარდოთ ენერგიის დონე.
ენერგიის ნაკლებობის მიზეზები:
ბევრი შაქრის მიღება
რაფინირებული ნახშირწყლები, მაგალითად, თეთრი პური, ბრინჯი, შაქრის მთავარი წყაროა. როდესაც თქვენ მოიხმართ შაქრიან საკვებს, ის ხელს უწყობს სისხლში შაქრის დონის სწრაფ ზრდას. ამან შეიძლება გამოიწვიოს ენერგიის გაზრდისა და სიფხიზლის განცდა. თუმცა, შაქრის დონე სწრაფად ეცემა, რამაც შეიძლება დაღლილობისა და გაღიზიანების შეგრძნება დაგიტოვოთ.
მნიშვნელოვანია მათი შეზღუდვა და კვების დაბალანსება ბოჭკოებით, ნახშირწყლებით, ცილებით და ჯანსაღი ცხიმებით.
არასაკმარისი ვარჯიში
ენერგიის დახარჯვა რეალურად გაზრდის მას. რაც უფრო მეტ ენერგიას დახარჯავთ ფიზიკურ მოძრაობაზე, მით მეტი ენერგია გექნებათ. გარდა ამისა, რეგულარული ვარჯიში აუმჯობესებს ძილის ხარისხს, ამცირებს უძილობის სიმპტომებს და ზრდის დღის განმავლობაში სიფხიზლეს. დაღლილობის დროს ადექით და ხუთი წუთის განმავლობაში გასეირნეთ გარეთ. ამავდროულად, სასურველია რაიმე სახის სასიამოვნო ფიზიკური აქტივობა ყოველდღე.
საუზმის გამოტოვება
საუზმის გამოტოვება ნამდვილად ხელს შეუწყობს დილაობით ენერგიის ნაკლებობას. მნიშვნელოვანია, რომ თქვენს სხეულს მიაწოდოთ ენერგია დილით. ამ საწვავის გარეშე, სხეული ენერგიის ნაკლებობას განიცდის, რის გამოც უფრო სავარაუდოა, რომ არაჯანსაღ არჩევანს გააკეთებთ მომდევნო კვებაზე.
შეეცადეთ შეუთავსოთ ჯანსაღი ნახშირწყლები, როგორიცაა ხილი, ბოსტნეული, მთლიანი მარცვლეული, კვერცხი, თხილი ან რძის პროდუქტები.
მჯდომარე ცხოვრების წესი
კვლევებმა აჩვენა, რომ ხანგრძლივად ჯდომა არა მხოლოდ საზიანოა თქვენი ჯანმრთელობისთვის, არამედ ეს არის ენერგიის ნაკლებობის მიზეზიც. ფეხზე დგომა და მოძრაობა, თუნდაც რამდენიმე წუთის განმავლობაში, გეხმარებათ სისხლის მიმოქცევის გაუმჯობესებაში, ჟანგბადის გაზრდაში, რაც საბოლოოდ აგზავნის მეტ ჟანგბადს ტვინში. ეს კი აუმჯობესებს სიფხიზლეს, განწყობასა და მეხსიერებას.
დიდი რაოდენობით კოფეინის მიღება
დიდი დოზით კოფეინის მიღებისას შეიძლება იგრძნოთ დაღლილობა, გაღიზიანება და კონცენტრაციის პრობლემები. ორგანიზმს შეუძლია კოფეინის მიმართ ტოლერანტობის გამომუშავება, რაც ნიშნავს, რომ დაგჭირდებათ მისი მეტი რაოდენობით მოხმარება. გვიან შუადღისას ფინჯანმა ყავამ შეიძლება გააუარესოს ძილი.
დეჰიდრატაცია
დეჰიდრატაციამ შეიძლება უარყოფითი გავლენა მოახდინოს ენერგეტიკულ დონეზე, განწყობაზე და კონცენტრაციაზე. მიზნად დაისახეთ მინიმუმ ერთი ჭიქა წყალი საათში სამუშაო მაგიდასთან ჯდომისას და დარწმუნდით, რომ საკმარის წყალს იღებთ ფიზიკური აქტივობისას ან გარეთ მაღალი ტემპერატურის არსებობისას.
სტრესი
ზედმეტმა სტრესმა ან ხანგრძლივმა სტრესმა შეიძლება ხელი შეუწყოს ენერგიის დონის შემცირებას და გამოიწვიოს დაღლილობის შეგრძნება.
თუ ქრონიკული სტრესის ქვეშ ხართ, კარგი კვება, ვარჯიში და ძილი არ იქნება ეფექტური. 15 წუთის დახარჯვა ყოველდღე დასვენებისთვის დაგეხმარებათ უფრო მეტად გააკონტროლოთ თქვენი გრაფიკი და გარემოებები, ეს შეიძლება მოიცავდეს სიარულს, მოკლე მედიტაციას ან იმ აქტივობების კეთებას, რაც სიამოვნებას განიჭებთ.
გარდა ამისა, თუ ფიქრობთ, რომ ცხოვრების წესის შესწორებები არ გეხმარებათ სტრესის დონის მართვაში, ესაუბრეთ თქვენს ექიმს, თუ როგორ უნდა გაუმკლავდეთ სტრესს და თავიდან აიცილოთ ჯანმრთელობის გრძელვადიანი პრობლემები.
გადაჭარბებული კვება
გადაჭარბებულმა კვებამ შეიძლება ასევე შეამციროს ენერგიის დონე. დიდირაოდენობით საკვების მიღებამ, მიუხედავად მისი შემადგენლობისა, შეიძლება გადაიტანოს სისხლის ნაკადის მნიშვნელოვანი რაოდენობა საჭმლის მომნელებელ სისტემაში საჭმლის მონელების დასახმარებლად.ამან შეიძლება გამოიწვიოს მოდუნება, რადგან ორგანიზმი კონცენტრირებულია საკვების გადამუშავებაზე. ეს განსაკუთრებით ეხება ცხიმიან საკვებს, რადგან ცხიმი ორგანიზმში ნელა შეიწოვება. სადილზე ზედმეტად ცხიმიანი საკვების მიღება ნიშნავს შუადღისას ენერგიის დაქვეითებას.
ენერგიის დაქვეითების თავიდან ასაცილებლად საჭიროა ულუფების კონტროლი, დაბალანსებული კვება, რომელიც შეიცავს პროტეინებს, ჯანსაღ ცხიმებს, ბოსტნეულს, რთულ ნახშირწყლებს, როგორიცაა სახამებლის შემცველი ბოსტნეული, მთლიანი მარცვლეული, ლობიო და ოსპი.