როგორ ავწიოთ არტერიული წნევა აბების გარეშე - მკურნალი.გე

დაბალ არტერიულ წნევას შეიძლება თან ახლდეს შემდეგი სიმპტომები:

• გაორებული მხედველობა ან ნისლი თვალების წინ, თვალებში დაბნელება;

• თავბრუსხვევა;

• სისუსტე;

• გულის წასვა;

• გულისრევა;

• კონცენტრაციასთან დაკავშირებული პრობლემები.

კრიტიკულად დაბალი წნევისას ასევე შეიძლება აღინიშნოს ზედაპირული და ხშირი სუნთქვა, სუსტი ხშირი პულსი, მეხსიერების არევა, ცივი და ფერმკრთალი კანი.

ჰიპოტენზიის ყველაზე გავრცელებული მიზეზებია:

• ორთოსტატული ჰიპოტენზია,

• პოსტპრანდიალური ჰიპოტენზია (ჭამიდან 1-2 საათის შემდეგ, არტერიული წნევა ფიზიოლოგიურად იკლებს, რადგან სისხლის ნაწილი „მიდის“ საჭმლის მომნელებელ ორგანოებში),

• ვაზოვაგალური ჰიპოტენზია (ხანგრძლივად ვერტიკალურ მდგომარეობაში ყოფნისას, განსაკუთრებით დახშულ და ნოტიო ადგილას, ხდება ცდომილი ნერვის არასწორი გააქტიურება, რაც აფერხებს გულის აქტივობას);

• არარაციონალური კვება და წყლის მოხმარება,

• ფიზიკური აქტივობის ნაკლებობა.

ასეთ შემთხვევებში ადამიანებს შეუძლიათ დაეხმარონ საკუთარ თავს: დალიონ საკმარისი სითხე, მიირთვან დაბალანსებული კვება, ცოტა მეტი მარილის დამატებით, რეგულარული ფიზიკური დატვირთვა.

პროფილაქტიკისათვის, შესაძლებელია ქვედა კიდურებზე კომპრესიული ტრიკოტაჟის ჩაცმა, ალკოჰოლის და სხვა დიურეზული სასმელების შეზღუდვა.