სასარგებლო საკვები მაღალი წნევისთვის
ვინც ღებულობს არტერიული წნევის დამწევ მედიკამენტებს. განსაკუთრებით სასარგებლოა ისეთი საკვების მიღება, რომელიც მდიდარია კალიუმითა და მაგნიუმით.
ჰიპერტენზია გულის დაავადების გავრცელებული რისკ-ფაქტორია. ცხოვრების წესის ცვლილებამ, მათ შორის დიეტის ცვლილებამ, შეიძლება ხელი შეუწყოს არტერიული წნევის დონის ოპტიმალურ დიაპაზონში შენარჩუნებას და შეამციროს გულის დაავადებების რისკი.
ჯანსაღი დიეტა აუცილებელია არტერიული წნევის შესამცირებლად და ოპტიმალური დონის შესანარჩუნებლად.
საკვები, რომელიც ხელს უწყობს არტერიული წნევის დაკვეითებას:
ციტრუსები - ციტრუსებს, მათ შორის გრეიფრუტს, ფორთოხალსა და ლიმონს, შეიძლება ჰქონდეს ძლიერი არტერიული წნევის დამწევი ფუნქცია. ისინი დატვირთულია ვიტამინებით, მინერალებითა და მცენარეული ნაერთებით, რომლებიც ხელს უწყობენ გულის სიჯანსაღის შენარჩუნებას, გულის დაავადებების რისკ- ფაქტორების შემცირებით, როგორიცაა მაღალი წნევა. კვლევამ, აჩვენა, რომ ლიმონის წვენის ყოველდღიური მიღება მნიშვნელოვნად იყო დაკავშირებული სისტოლური არტერიული წნევის შემცირებასთან, ეს ეფექტი კი განპირობებულია ლიმონში შემავალი ლიმონის მჟავასა და ფლავონოიდების შემცველობით.
კვლევებმა ასევე აჩვენა, რომ ფორთოხლისა და გრეიფრუტის წვენის დალევა ხელს უწყობს არტერიული წნევის შემცირებას. მიუხედავად ამისა, გრეიფრუტსა და გრეიფრუტის წვენს შეუძლია ხელი შეუშალოს არტერიული წნევის დამწევიმედიკამენტების მოქმედებას, ამიტომ ამ ხილის თქვენს დიეტაში დამატებამდე გაიარეთ კონსულტაცია ექიმთან.
ცხიმიანი თევზი - თევზი არის ომეგა -3 ცხიმების წყარო, რომელსაც მნიშვნელოვანი სარგებელი აქვს გულის ჯანმრთელობისთვის. ეს ცხიმები ხელს უწყობს არტერიული წნევის დონის შემცირებას ანთების შემცირებით და სისხლძარღვების შემავიწროვებელი ნაერთების, ოქსილიპინების დონის შემცირებით.
გოგრის თესლი - გოგრის თესლი არტერიული წნევის კონტროლისთვის მნიშვნელოვანი საკვები ნივთიერებების კონცენტრირებული წყაროა, მათ შორის მაგნიუმის, კალიუმის და არგინინის (ამინომჟავა, რომელიც საჭიროა აზოტის ოქსიდის წარმოებისთვის, რაც აუცილებელია სისხლძარღვების მოდუნებისა და არტერიული წნევის შესამცირებლად). ასევე ნაჩვენებია, რომ გოგრის თესლის ზეთი არის ძლიერი ბუნებრივი საშუალება მაღალი წნევის დროს.
კენკრა - კენკრა ასოცირდება ჯანმრთელობის სხვადასხვა სარგებელთან, მათ შორისგულის დაავადებების განვითარების რისკ-ფაქტორების შემცირებასთნ, როგორიცაა მაღალი წნევა.მოცვი, ჟოლო, მარწყვი დაკავშირებულია არტერიული წნევის დაქვეითებასთან. კენკრა ანტიოქსიდანტების მდიდარი წყაროა, მათ შორის ანტოციანინების. ნაჩვენებია, რომ ანტოციანინები ზრდის აზოტის ოქსიდის დონეს სისხლში და ამცირებს სისხლძარღვების შემავიწროვებელი მოლეკულების გამომუშავებას, რაც ხელს უწყობს არტერიული წნევის დონის შემცირებას. თუმცა, მეტი კვლევაა საჭირო ამ მექანიზმების დასადასტურებლად.
სტაფილო - სტაფილო მდიდარია ფენოლური ნაერთებით, როგორიცაა ქლოროგენი, პ-კუმარინი და კოფეინის მჟავები. ისინი ხელს უწყობენ სისხლძარღვების მოდუნებას და ამცირებენ ანთებას, რაც ხელს უწყობს არტერიული წნევის დონის შემცირებას.
პომიდორი - პომიდორი მდიდარია მრავალი ნუტრიენტით, მათ შორის კალიუმით და კაროტინოიდული პიგმენტი ლიკოპენით. ლიკოპენი დაკავშირებულია გულის ჯანმრთელობასთან. კვლევების მიმოხილვით დადგინდა, რომ პომიდვრისა და პომიდვრის პროდუქტების მოხმარება აუმჯობესებს არტერიულ წნევას და ხელს უწყობს გულის დაავადებებისა და გულის დაავადებებთან დაკავშირებული სიკვდილიანობის რისკის შემცირებას.
ბროკოლი - ბროკოლი ცნობილია მისი მრავალი სასარგებლო ეფექტით, მათ შორის სისხლის მიმოქცევის გაუმჯობესებით. ბროკოლი დატვირთულია ფლავონოიდური ანტიოქსიდანტებით, რომლებიც ხელს უწყობენ არტერიული წნევის შემცირებას სისხლძარღვების ფუნქციის გაძლიერებით და ორგანიზმში აზოტის ოქსიდის დონის გაზრდით.
ბერძნული იოგურტი - ბერძნული იოგურტი არის რძის პროდუქტი, რომელიც დატვირთულია მინერალებით. ბერძნული იოგურტი შეიცავს კალიუმს და კალციუმს. ხელს უწყობს არტერიული წნევის რეგულირებას.
ჩიას და სელის თესლი - ჩია და სელის თესლი აუცილებელია ჯანსაღი არტერიული წნევის რეგულირებისთვის. ის შეიცავს კალიუმს, მაგნიუმსა და ბოჭკოს.
ჭარხალი - ჭარხალი მდიდარია ნიტრატებით, რაც ხელს უწყობს სისხლძარღვების მოდუნებას და ამცირებს არტერიულ წნევას.