რა ზიანს აყენებს ჯანმრთელობას სწრაფად ჭამა
წონის მომატებასა და სიმსუქნეს.
დატვირთული გრაფიკიდან გამომდინარე ადამიანები ხშირად ჭამენ სწრაფად. თუმცა, ტვინს დრო სჭირდება ნაყროვანების სიგნალების დასამუშავებლად. ტვინს შეიძლება 20 წუთამდე დასჭირდეს იმის გაგება, რომ დანაყრდით.
როდესაც სწრაფად ჭამთ, ბევრად უფრო ადვილია იმაზე მეტი საკვების მიღება, ვიდრე თქვენს ორგანიზმს ნამდვილად სჭირდება. დროთა განმავლობაში, ჭარბი კალორიების მიღებამ შეიძლება გამოიწვიოს წონის მომატება.
კვლევამ აჩვენა, რომ ადამიანებში, რომლებიც სწაფად ჭამდნენ, ჭარბი წონის განვითარების ალბათობა 3-ჯერ მეტი იყო.
სწრაფად კვება არა მხოლოდ ზრდის ჭარბი წონისა და სიმსუქნის რისკს, ის ასევე დაკავშირებულია ჯანმრთელობის სხვა პრობლემებთან, მათ შორის:
ინსულინის მიმართ რეზისტენტობა - ძალიან სწრაფად კვება დაკავშირებულია ინსულინის მიმართ რეზისტენტობის გაზრდის რისკთან, რაც ხასიათდება სისხლში შაქრისა და ინსულინის მაღალი დონით. ეს არის ტიპი 2 დიაბეტის და მეტაბოლური სინდრომის დამახასიათებელი ნიშანი.
ტიპი 2 დიაბეტი - სწრაფად ჭამა დაკავშირებულია ტიპი 2 დიაბეტის უფრო მაღალ რისკთან. ერთმა კვლევამ აჩვენა, რომ მათ, ვინც სწრაფად ჭამენ 2,5-ჯერ უფრო ხშირად უვითარდებათ ეს დაავადება, მათთან შედარებით, ვინც ნელა ჭამს.
Მეტაბოლური სინდრომი - სწრაფმა კვებამ და მასთან დაკავშირებულმა წონის მატებამ შეიძლება გაზარდოს მეტაბოლური სინდრომის რისკი.
ცუდი მონელება - ადამიანებში, რომლებიც სწრაფად ჭამენ, როგორც წესი, ხშირად ირღვევა საჭმლის მონელების პროცესი.
ნელა ჭამას ჯანმრთელობაზე დადებითი ეფექტი აქვს:
ნელა ჭამას შეუძლია გაზარდოს მადის მარეგულირებელი ჰორმონების დონე,რაც გეხმარებათ შეამციროთ კალორიების რაოდენობა. ის, ასევე აუმჯობესებს საჭმლის მონელებას.
თუ გსურთ ნელა იკვებოთ, არსებობს რამდენიმე ტექნიკა, რომლებიც შეგიძლიათ სცადოთ:
არ ჭამოთ ეკრანების წინ - ტელევიზორის, კომპიუტერის, სმარტფონის ან სხვა მოწყობილობის წინ ჭამამ შეიძლება გამოიწვიოს სწრაფი და დაუფიქრებელი კვება.
საკვების დაღეჭვის დროს დადეთ ჩანგალი/კოვზი.
მოერიდეთ ძლიერ შიმშილს - ამან შეიძლება ხელი შეუწყოს ძალიან სწრაფად ჭამას.
დაღეჭეთ საფუძვლიანად - მიზნად დაისახეთ საკვების დაღეჭვა 20-30-ჯერ.
მიიღეთ საკვები პატარა ლუკმებით - პატარა ლუკმების მიღება დაგეხმარებათ შეანელოთ კვების ტემპი და გახანგრძლივოთ კვება.