5 მარტივი წესი ჯანსაღი წონის შესანარჩუნებლად
არ გამოტოვოთ კვება
როდესაც გამოვტოვებთ ერთ კვებას, შემდეგ ჩნდება მიდრეკილება უფრო მეტი საკვებისკენ ყოველ შემდეგ კვებაზე და ხდება ამ კალორიების ორგანიზმში დამარაგება. დღის განმავლობაში სწორი კვების გრაფიკი დაგეხმარებათ ენერგიის ამაღლებაში და ზედმეტი კვების თავიდან აცილებაში.
თეფშის ნახევარს უნდა შეადგენდეს ხილი ან ბოსტნეული.
ხილი და ბოსტნეული საკმაოდ დაბალკალორიულია და მდიდარია ბოჭკოებით. ბოჭკო არის ნივთიერება, რომელიც გეხმარებათ იგრძნოთ ნაყროვანების განცდა დიდი ხნის განმავლობაში. ხილი და ბოსტნეული უზრუნველყოფს აუცილებელ ფიტონუტრიენტებს, მიკროელემენტებს, ვიტამინებს, მინერალებსა და ფერმენტებს, რაც საჭიროა ჯანსაღი ცხოვრებისათვის. თქვენი თეფშის ნახევრად შევსება ხილითა და ბოსტნეულით, დაგეხმარებათ შეინარჩუნოთ ცილებისა და ნახშირწყლების ბალანსი.
ჩართეთ ცილის წყარო ყოველ კვებაში
ცილებით მდიდარი საკვები დაგეხმარებათ რეფლუქსის შემცირებაში და სისხლში შაქრის დონის სტაბილურად შენარჩუნებაში, ხელს უწყობს ჯანსაღი კუნთების შენარჩუნებას და იმუნური სისტემის გაძლიერებას. ცილებით მდიდარი საკვები მოიცავს ხორცს, ზღვის პროდუქტებს, თხილს, კვერცხს, იოგურტს.
კვების დროს მაქსიმალურად მოერიდეთ ყურადღების გაფანტვის წყაროებს
ძალიან ხშირია მრავალი ამოცანის ერთდროულად შესრულება, რა დროსაც ნაკლებად კონცენტრირდებით კვებაზე, ეს აადვილებს ჭარბ კვებას,
მაქსიმალურად შეზღუდეთ თქვენი ყურადღების გაფანტვის წყაროები და დაუთმეთ სრული დრო ჭამას.
აქციეთ ვარჯიში თქვენი ცხოვრების ნაწილად
ვარჯიშს აქვს ჯანმრთელობის მრავალი სარგებელი. ვარჯიში ხელს უწყობს წონის შენარჩუნებას, ხელს უშლის ქრონიკულ დაავადებებს, აუმჯობესებს განწყობას, გეხმარებათ უკეთ დაიძინოთ და ზრდის ენერგიის დონეს. მთავარია ვარჯიში გახადოთ თქვენი ყოველდღიური რუტინის ნაწილი, ივარჯიშეთ დღეში მინიმუმ 30 წუთის განმავლობაში.