რატომ ნელდება მეტაბოლიზმი და რა რჩევები უნდა გაითვალისწინოთ ამ დროს
თუ არ არსებობს ჯანმრთელობის უარყოფითი ცვლილებები.
მეტაბოლიზმის შენელება საყურადღებოა, როდესაც შენელებული ნივთიერებეთა ცვლა გარეგნულ ჯანმრთელობაზეც აისახება. შენელებული მეტაბოლიზმისას ხდება წონაში მატება, საკვები ნივთიერებების შეწოვა დარღვეულია, ამ პროცესებს სხვა მიმდინარე პროცესებიც ახლავს თან.
შენელებული ნივთიერებათა ცვლა არა მარტო წონაზე მოქმედებს, არამედ ორგანიზმის გარეგან და შინაგან მდგომარეობაზეც.
მეტაბოლიზმის შენელების მიზეზები:
- კვების რეჟიმის დარღვევა;
- წონაში მკვეთრად კლება;
- კალორიული პროდუქტების შემცირება;
- ბოჭკოს ნაკლებობა რაციონში;
- ვიტამინების ნაკლებობა;
- წყლის ბალანსის დარღვევა;
- ჰორმონალური დარღვევა და გენეტიკური მიდრეკილება;
- საკვები ნივთიერებების შეწოვის დარღვევა;
- უძილობა;
- უმოძრაო ცხოვრების წესი
ნელი მეტაბოლიზმის ნიშნები:
- არასტაბილური წონა;
- მონელების დარღვევა;
- რთულდება წონაში დაკლება;
- ჰორმონალური დარღვევა;
- ღვიძლის და თირკმელების ფუნქციის მოშლა;
- ქრონიკული დაავადებების გამწვავება;
- კანის, თმის და ფრჩხილების მდგომარეობის გაუარესება;
- დაღლილობა;
- შრომისუნარიანობის დაქვეითება;
- ქრონიკული ძილიანობა
რჩევები უკეთესი მეტაბოლიზმისთვის:
ნუ გამოტოვებთ საუზმეს. საუზმეზე ჯანსაღი საკვების მიღება უმნიშვნელოვანესია. სწორედ ეს აძლევს საწყის ენერგიას ორგანიზმს ნივთიერებათა ცვლისათვის.
სასურველია კვება დღეში 5-6ჯერ - ძირითადი კერძის მიღება (3-ჯერ) და რამოდენიმეჯერ წახემსება.
აუცილებელია საკმარისი რაოდენობის, ხარისხიანი წყლის მიღება. არასაკმარისი წყლის მიღება ან მისი ჩანაცვლება ყავით ან ჩაით (შაქრიანი სასმელებით) არ შეიძლება.
როდესაც ორგანიზმში სითხის ნაკლებობაა ორგანიზმი, ადაპტირდება და ანელებს ნივთიერებათა ცვლას, რათა შეინარჩუნოს სასიცოცხლოდ აუცილებელი სითხე და შეანელოს მისი დაკარგვა. ამიტომ, დალიეთ მეტი წყალი. უკეთესია, დღის დაწყება ერთი ან ორი ჭიქა თბილი ლიმონიანი წყლით. ეს არის ეფექტური საშუალება მეტაბოლიზმის დასაჩქარებლად.
ჩართეთ რაციონში ომეგა-3 შემცველი პროდუქტები. ომეგა-3 შეუცვლელი მჟავები ეხმარება ორგანიზმს არეგულიროს ჰორმონი ლეპტინი, რომელიც გავლენას ახდენს ცხიმების წვაზე. ომეგა-3-ით მდიდარი პროდუქტებია: ჩიას თესლი, სელის ზეთი, კაკალი და თევზი.
მიიღეთ ჯანსაღი ბოჭკო. ყველაზე მარტივი და უსაფრთხო ვარიანტი არის ხილის სმუზი, რაც აუმჯობესებს მონელებას და წონაში დაკლებაც მარტივდება.
