სპირულინას 10 სასარგებლო თვისება
თვისებების წყალობით, ადამიანის ორგანიზმზე მრავალი დადებითი ეფექტი გააჩნია.
სპირულინა მსოფლიოში ყველაზე პოპულარულ დანამატებს შორისაა.
ის დატვირთულია სხვადასხვა საკვები ნივთიერებით და ანტიოქსიდანტებით, რომლებიც შეიძლება სასარგებლო იყოს თქვენი ორგანიზმისა და ტვინისთვის.
სპირულინას თვისებები:
მდიდარია მრავალი ნუტრიენტით:
სპირულინის სტანდარტული სადღეღამისო დოზაა 1-3 გრამი.
ეს წყალმცენარე სავსეა საკვები ნივთიერებებით. შეიცავს:
- ცილას;
- თიამინს(B1);
- რიბოფლავინს(B2);
- ნიაცინს(B3);
- სპილენძს;
- რკინას
ის ასევე შეიცავს მაგნიუმის, კალიუმის და მანგანუმის მნიშვნელოვან რაოდენობას და მცირე რაოდენობით ცხიმს ომეგა -6 და ომეგა -3 ცხიმოვანი მჟავების ჩათვლით. სპირულინაში შემავალი ცილა ხელს უწყობს ორგანიზმისთვის აუცილებელი ყველა ამინომჟავის წარმოქმნას.
გამოირჩევა ძლიერი ანტიოქსიდანტური და ანთების საწინააღმდეგო თვისებებით
ოქსიდაციურმა დაზიანებამ შეიძლება ზიანი მიაყენოს უჯრედებს და გამოიწვიოს ქრონიკული ანთება, რაც ხელს უწყობს კიბოს და სხვა დაავადებების განვითარებას.
სპირულინა არის ანტიოქსიდანტების კარგი წყარო. მას შეუძლია დაიცვას უჯრედები შეუძლია ჟანგვითი დაზიანებისგან.
მის მთავარ აქტიურ კომპონენტს ეწოდება ფიკოციანინი(ანტიოქსიდანტი) იგი სპირულინას უნიკალურ, ლურჯ-მწვანე ფერს აძლევს.
ფიკოციანინს შეუძლია ებრძოლოს თავისუფალ რადიკალებს და დაბლოკოს ისეთი მოლეკულების წარმოება, რომლებიც ხელს უწყობენ ანთებას,. სწორედ ეს თვისება განაპირობებს სპირულინას ანტიოქსიდანტურ და ანთების საწინააღმდეგო ეფექტებს.
შეუძლია შეამციროს ქოლესტერინის და ტრიგლიცერიდების დონე
სპირულინას შეუძლია შეამციროს ,,ცუდი" ქოლესტერინის, ასევე ტრიგლიცერიდების დონე და ამის საპირისპიროდ გაზარდოს ,,კარგი" ქოლესტერინი. ამით ხელს უწყობს გულის დაავადებების განვითარების პრევენციას. ერთ-ერთი მიმოხილვის თანახმად, სპირულინამ შეძლო მნიშვნელოვნად გაეუმჯობესებინა ეს მარკერები მეტაბოლური სინდრომის და მასთან დაკავშირებული დარღვევების მქონე ადამიანებში
2014 წელს ჩატარებულმა სხვა კვლევამ მაღალი ქოლესტერინის მქონე ადამიანებში დაადგინა, რომ 1 გ სპირულინა დღეში ამცირებს ტრიგლიცერიდებს 16.3%-ით, ხოლო ,,ცუდ" ქოლესტერინს 10.1%-ით.
იცავს დაბალი სიმკვრივის (,,ცუდი" ქოლესტერინი) ქოლესტერინს დაჟანგვისგან
თქვენი სხეულის ცხიმოვანი სტრუქტურები მგრძნობიარეა ჟანგვითი დაზიანების მიმართ. ეს ცნობილია, როგორც ლიპიდური პეროქსიდაცია და მრავალი სერიოზული დაავადების მთავარი მამოძრავებელი ფაქტორია. მაგალითად, გულის დაავადების განვითარების ერთ-ერთი ფაქტორის დაბალი სიმკვრივის ქოლესტერინის დაჟანგვაა.
რამდენიმე კვლევამ დაადგინა, რომ სპირულინაში შემავალი ანტიოქსიდანტები შეიძლება იყოს განსაკუთრებით ეფექტური ლიპიდური პეროქსიდაციის შესამცირებლად.
შეიძლება ჰქონდეს კიბოს საწინააღმდეგო თვისებები
მიუხედავად იმისა, რომ მეტი კვლევის ჩატარებაა საჭირო, ზოგიერთი მტკიცებულება ვარაუდობს, რომ სპირულინას აქვს კიბოს საწინააღმდეგო თვისებები.ცხოველებზე ჩატარებულმა კვლევებმა აჩვენა, რომ მას შეუძლია შეამციროს კიბოს განვითარების რისკი და სიმსივნის ზომა.
შეუძლია შეამციროს არტერიული წნევა
კვლევების მიმოხილვის შედეგად დადგინდა, რომ დღეში 1-8 გ სპირულინას მიღებამ შეიძლება მნიშვნელოვნად შეამციროს როგორც სისტოლური, ასევე დიასტოლური არტერიული წნევა, ითვლება, რომ ეს შემცირება გამოწვეულია აზოტის ოქსიდის გაზრდილი წარმოებით. აზოტის ოქსიდი სასიგნალო მოლეკულაა, რომელიც ეხმარება სისხლძარღვებს მოდუნებასა და გაფართოებაში.
შესაძლოა ამცირებდეს ალერგიული რინიტის სიმპტომებს
ალერგიული რინიტი ხასიათდება ცხვირის ღრუს ანთებით. ის გამოწვეულია გარემოში არსებული ალერგენებით(როგორიცაა მტვერი, ცხოველის ბეწვი).
ალერგიული რინიტის სიმპტომების საწინააღმდეგოდ, სპირულინა პოპულარული ალტერნატიული მკურნალობის საშუალებად არის მიჩნეული. მაგალითად, ერთ-ერთმა კვლევამ აჩვენა, რომ სპირულინა უფრო ეფექტური იყო ვიდრე ანტიჰისტამინი, რომელიც გამოიყენება ალერგიის სამკურნალოდ, ალერგიული რინიტის სიმპტომების გასაუმჯობესებლად და ანთების შესამცირებლად. თუმცა, სპირულინას ამ თვისების დასაზუსტებლად დამატებითი კვლევების ჩატარებაა საჭირო
შესაძლოა ეფექტური იყოს ანემიის წინააღმდეგ
ანემიის გამომწვევი მრავალი მიზეზი არსებობს, მათ შორის საკვები ნივთიერებების დეფიციტი, გენეტიკური დარღვევები და ქრონიკული ანთება.
ხანდაზმული ადამიანების(რომლებსაც ანემიის ისტორია ჰქონდათ) მონაწილეობით ჩატარებულმა კვლევამ აჩვენა, რომ სპირულინას დანამატებმა გაზარდა სისხლის წითელი უჯრედების, ჰემოგლობინის შემცველობა და გააუმჯობესა იმუნური ფუნქცია.
ცხოველებზე ჩატარებულმა ზოგიერთმა სხვა კვლევამ ასევე დაადგინა, რომ სპირულინას შეუძლია გააუმჯობესოს ჰემოგლობინის დონე და შეამსუბუქოს ანემიის სიმპტომები.
აძლიერებს კუნთებს და აუმჯობესებს სხეულის ამტანობას
ვარჯიშით გამოწვეული ოქსიდაციური დაზიანება არის კუნთების დაღლილობის მთავარი მიზეზი. ზოგიერთმა კვლევამ აჩვენა, რომ სპირულინა დადებით გავლენას ახდენს კუნთების სიძლიერეზე და გამძლეობის გაუმჯობესებაზე. სხვა კვლევის შედეგად კი დადგინდა, რომ სპირულინას დამატებამ გააუმჯობესა ორგანიზმის ჟანგბადით მომარაგების პროცესი.
შეუძლია ხელი შეუწყოს სისხლში შაქრის კონტროლს
არსებობს მტკიცებულება, რომ სპირულინას შეუძლია სისხლში შაქრის ჯანსაღი დონის შენარჩუნება. რვა გამოკვლევის ერთ-ერთი მიმოხილვის თანახმად, სპირულინას დამატებამ (დღეში 0,8-8 გ) შეიძლება მნიშვნელოვნად შეამციროს სისხლში შაქრის დონე საუზმემდე 2 ტიპის დიაბეტის მქონე ადამიანებში.თუმცა, სისხლში შაქრის დონის შემცირებაზე მნიშვნელოვანი გავლენა არ შეინიშნებოდა ჭამის შემდეგ.