ეკოლოგიური ნარკოზი
გადამუშავებული სანარკოზე ნარევი წნევის ქვეშ შეიწოვება ჭურჭელში, სადაც ნულ გრადუსამდე ცივდება. ამასთანავე, ჟანგბადი და აზოტი რჩება აიროვანი სახით, ხოლო ქსენონი თხევად მდგომარეობაში გადადის, რაც ნარევიდან მის გამოყოფასა და "მეორე წრეზე გაშვებას" აადვილებს.
მედიკოსების აზრით, ქსენონს რამდენიმე უპირატესობა აქვს: ის თითქმის არ იწვევს გვერდით ეფექტებს (თუმცა _ მხოლოდ მოზრდილებში), ამცირებს სარეანიმაციო პერიოდს მძიმე ოპერაციების შემდეგ და არც მედპერსონალს ვნებს ისე ძლიერ, როგორც ნარკოზისთვის გამოყენებული სხვა აირები.
დღეისთვის ანესთეზიოლოგებმა თითქმის საბოლოოდ თქვეს უარი ისეთ ფეთქებად და ტოქსიკურ ნივთიერებებზე, როგორიც არის ეთერი და ციკლოპროპანი. მათ ნაცვლად იყენებენ ჰალოგენიზებულ ნახშირწყლებს, რომლებიც საოპერაციოში არსებულ ჰაერზე უარყოფით გავლენას მაინც ახდენს. გარდა ამისა, ეს ნივთიერებები ატმოსფეროში მოხვედრისას იწვევს პანიკის ეფექტს და აზიანებს ოზონის შრეს. კვლევის შედეგების მიხედვით, მარტო გერმანიაში ქირურგიული ოპერაციების დროს გარემოში ყოველწლიურად 40 მლნ ლიტრი ჰალოგენიზებული ნახშირწყლები გამოიყოფა.