4 ნაბიჯი, რომელიც ხელს უწყობს სარძევე ჯირკვლის კიბოს პრევენციას
კონკრეტულად, ფაქტორები, რომელთა კონტროლიც შეუძლებელია (როგორიცაა თქვენი ასაკი, გენეტიკა) და ფაქტორები, რომელთა კონტროლიც შესაძლებელია.
რეკომენდაციები პრევენციისათვის:
შეინარჩუნეთ ჯანსაღი წონა - ერთ-ერთი მნიშვნელოვანი ნაბიჯი, რომლის გადადგმაც ადამიანს მკერდის კიბოს პრევენციისათვის შეუძლია არის წონის კონტროლი. ამისათვის, აუცილებელია ვარჯიში, ქალებმა უნდა ივარჯიშონ კვირაში სამჯერ სულ მცირე ოცი წუთის განმავლობაში. ფორმის შენარჩუნება აუცილებელია, რადგან ცხიმები შედგება უჯრედებისგან, რომლებიც ესტროგენებს წარმოქმნიან. ესტროგენების დიდი რაოდენობა კი იწვევს ჰორმონ-რეცეპტორ-დადებით მკერდის კიბოს.
შეზღუდეთ ალკოჰოლის მოხმარება - სხვა უარყოფითი ეფექტების გარდა, ალკოჰოლმა შეიძლება გაზარდოს მკერდის კიბოს განვითარების ალბათობა. ალკოჰოლს გააჩნია უნარი შეცვალოს ესტროგენის მეტაბოლიზმის პროცესის მექანიზმი. ალკოჰოლის ხშირი მოხმარება ხელს უწყობს ესტროგენების დონის გაზრდას, როდესაც მათი დონე ორგანიზმში ნორმაზე მეტია, იზრდება მკერდის კიბოს განვითარების რისკიც. არ არის რეკომენდებული კვირაში ორ ჭიქაზე მეტი ალკოჰოლური სასმელის მიღება.
აუცილებელია მამოგრამის ჩატარება ყოველწლიურად - მკერდის კიბოს განვითარების პრევენციისათვის დიდი მნიშვნელობა აქვს ადრეულ დიაგნოზს და მკურნალობას, რომელიც ეფექტურია სარძევე ჯირკვლის კიბოს შეჩერებაში.
ნუ მოწევთ სიგარეტს - მოწევისას იზრდება სხვადასხვა ტიპის კიბოს განვითარების რისკი, მათ შორის, მკერდის კიბოს.