საკვები პროდუქტები, რომლებიც აუმჯობესებენ სისხლის მიმოქცევას
სამედიცინო მდგომარეობებით, მათ შორის პერიფერიული არტერიების დაავადებით, დიაბეტით, სიმსუქნით, მოწევით, რეინოს დაავადებით.
სისხლის ნაკადის შემცირებამ შეიძლება გამოიწვიოს უსიამოვნო სიმპტომები, როგორებიცაა ტკივილი, კუნთების კრუნჩხვები, დაბუჟება, საჭმლის მომნელებელი სისტემის პრობლემები, ხელების ან ფეხების გაყინვა.
სისხლის მიმოქცევის პრობლემებს ხშირად მკურნალობენ მედიკამენტებით, თუმცა გარკვეული საკვების მიღებამ ასევე შეიძლება ხელი შეუწყოს სისხლის მიმოქცევის გაუმჯობესებას.
ასეთი პროდუქტებია:
ბროწეული - მდიდარია პოლიფენოლებით, ხელს უწყობს სისხლძარღვების გაფართოებას. ჩატარებულმა კვლევამ აჩვენა, რომ ბროწეულის ექსტრაქტის 1,000 მილიგრამის (მგ) მოხმარება ვარჯიშამდე 30 წუთით ადრე ხელს უწყობს სისხლის ნაკადის გაზრდასა და სისხლძარღვების გაფართოებას.
ჭარხალი - შეიცავს ისეთ ნივთიერებებს, რომლებიც ამშვიდებს სისხლძარღვებს და ზრდის სისხლის ნაკადს კუნთებში.
ციტრუსები - მდიდარია ფლავონოიდებით. ამცირებს ანთებით პროცესებს, რაც თავის მხრივ, ხელს უწყობს არტერიული წნევის შემცირებას.
კაკალი - შეიცავს L-არგინინს, ალფა-ლინოლეის მჟავას, ვიტამი E-ს. ამ ტიპის ნივთიერებები კი დადებითად მოქმედებს სისხლძარღვებზე და აუმჯობესებს სისხლის მიმოქცევას. კაკალს შეუძლია შეამციროს არტერიული წნევა, გააუმჯობესოს სისხლძარღვების ფუნქცია, შეამციროს ანთებითი პროცესები. ამ ყველაფერმა კი განსაკუთრებით პოზიტიური გავლენა შეიძლება იქონიოს იმ პირებში, რომელთაც დიაბეტი აქვთ.
მწვანეფოთლოვანი ბოსტნეული(მაგალითად, ისპანახი) - ხელს უწყობენ სისხლძარღვების ელასტიურობის შენარჩუნებას.
ცხიმიანი თევზი.
პომიდორი.
კენკროვანი ხილი.
კვებასთან ერთად, სისხლძარღვების ჯანმრთელობის შენარჩუნებისა და სისხლის მიმოქცევის გაუმჯობესებისათვის აუცილებელია: წონის რეგულირება, ნორმალური ჰიდრატაცია,ფიზიკური აქტივობა, სტრესის შემცირება, ალკოჰოლისა და თამბაქოს მოხმარებისგან თავის შეკავება.