აზიანებს თუ არა თმას ყოველდღე დაბანა?
არ არსებობს იმის მტკიცებულება, რომ ყოველდღიურად შამპუნის მოხმარება უფრო მავნეა, ვიდრე ყოველკვირეული, - ეს ყველაფერი თმის მოვლის საშუალებების არასწორი არჩევანითაა გამოწვეული. არასწორი პროდუქტის გამოყენების შემთხვევაში, ყოველდღიურად შამპუნის მოხმარება ნელ-ნელა გამორეცხავს ცილებს და ლიპიდებს, რომლებიც თმას უნარჩუნებს სიჯანსაღეს, ანადგურებს ბუნებრივ ბიოგარსებს და არღვევს კანის ეპიდერმულ ბარიერს.
არასწორი ან იშვიათი დაბანის გამო აქტიურდება Malassezia-ს გვარის სოკოები, რომლებიც იწვევენ ქერტლს, რამაც, თავის მხრივ, შეიძლება გამოიწვიოს თმის ცვენა. შეღებვა, გაუფერულება, ქიმიური დახვევა, ელექტრო საშრობების გამოყენება თერმული დაცვის გარეშე კიდევ უფრო აზიანებს თმას.
რამდენიმე წესი, რათა ყოველდღიურმა დაბანამ არ დააზიანოს თმა:
- არ დაიბანოთ თმა ცხელი წყლით - ეს ასტიმულირებს ცხიმოვანი ჯირკვლების მუშაობას და თავის თმიანი ნაწილის კანს უფრო ცხიმიანს ხდის. უმჯობესია თმა ჩამოიბანოთ გრილი წყლით
- გამშრალებისას არ დაიხვიოთ თმა პირსახოცით. სველი კულულები ადვილად ზიანდება მექანიკური ზემოქმედებით.
- არასოდეს დაივარცხნო სველი თმა და თუ სხვა გზა არ არიის, გამოიყენეთ თმის ჯაგრისი რბილი სილიკონის კბილებით.
- თავის ხშირი დაბანა უარყოფითად მოქმედებს თმის მდგომარეობაზე არასათანადო მოვლის დროს, - აგრესიული კომპონენტების შემცველი ან ყოველდღიური გამოყენებისთვის არაადაპტირებული შამპუნების გამოყენებამ შეიძლება გამოიწვიოს ცხიმოვანი ჯირკვლების ფუნქციის დარღვევა.
- შამპუნები სულფატებით აშრობს თმას, "გამოაქვს" ლიპიდური დამცავი ფენა და კერატინი. თუმცა, დაბანებს შორის ხანგრძლივი პაუზებიც საშიშია, შეიძლება გამოიწვიოს კანის მდგომარეობის ცვლილება: დერმატიტი, პუსტულური გამონაყარი.
დაბანის სიხშირე დამოკიდებულია კანის ტიპზე. თუ მშრალია, ინტერვალი სამიდან შვიდ დღემდეა. ნორმალური - ორი ან სამი დღე. ცხიმიანი კანის შემთხვევაში მისაღებია ყოველდღიური დაბანა, მაგრამ სპეციალიზებული პროდუქტებით, რომლებიც ამცირებენ ცხიმოვანი ჯირკვლების აქტივობას.
თმის სწრაფი დაბინძურება იწვევს ცხიმოვანი ჯირკვლების სეკრეციის გაზრდას. ერთ-ერთი მიზეზი ჰორმონალური დარღვევაა. თუ ანალიზებით ყველაფერი რიგზეა, მაშინ მოვლის საშუალებების გადახედვაა საჭირო. კანის გამოშრობა შეიძლება "ხალხური" საშუალებებით - ნიღბები მარილით, მდოგვით, ალკოჰოლის შემცველი პროდუქტებით- მოხდეს. ცხიმის გამომუშავების მასტიმულირებელი ასევე შეიძლება იყოს მედიკამენტების მიღება, სტრესი, მავნე ჩვევები.
ასევე, მნიშვნელოვანია ჰიპერჰიდროზი - საოფლე ჯირკვლების აქტივობის მომატება, რამაც შესაძლოა გამოიწვიოს ქავილი, გამონაყარი, აქერცვლა. გარდა არასათანადო მოვლისა, ჰიპერჰიდროზს იწვევს ძალიან თბილი ქუდების ტარება, ინტენსიური ვარჯიში და ასევე არასწორი კვება - ზედმეტად ცხელი ან ცხარე საკვები.