რა არის სინუსიტი და რა ღონისძიებების ჩატარებაა სასურველი სიმპტომების შესამსუბუქებლად
ამ დროს, ლორწოვანი გარსის ანთება სინუსების გასასვლელებს ბლოკავს, რომლელთა დახმარებითად ლორწოვანი ჩაედინება ცხვირში.
სინუსიტი ხშირად ვლინდება ცხვირის ლორწოვანი გარსის ანთებასთან ერთად, რასაც რინოსინუსიტი ეწოდება.
სინუსიტი შესაძლოა იყოს მწვავე ან ქრონიკული.
მწვავე სინუსიტი, როგორც წესი, ზედა სასუნთქი გზების ინფექციებს მოსდევს ხოლმე, ხოლო ქრონიკული სინუსიტი რომელიც 12 კვირაზე მეტ ხანს გრძელდება დაკავშირებულია ალერგიებთან ან პოლიპებთან.
მწვავე სინუსიტს ახასიათებს ტკივილი დაზიანებული სინუსის ადგილას, ცხვირიდან ჩირქოვანი გამონადენი, ცხვირის ობსტრუქცია,შეგუბება, საერთო სისუსტე.
ქრონიკული სინუსიტის ნიშნები შესაძლოა იყოს: ცხვირის შეგუბება, ცხვირის ტკივილი, დაქვეითებული დრენაჟი, ძლიერი ტკივილი.
მწვავე ან ქრონიკული სინუსიტისას სასურველია შემდეგი ღონისძიებების განხორციელება:
- დასვენება - რაც ეხმარება ორგანიზმს შეებრძოლოს ინფექციას;
- დღეში ორჯერ ცხელი შხაპის მიღება;
- ორთქლის ინჰალაციების ჩატარება;
- სითხეების მიღება - 6-8 ჭიქა წყალი, რათა გათხელდეს სეკრეტი;
- თბილი, ნამიანი პირსახოცის დადება ლოყების და თვალების გარშემო - რაც ამსუბუქებს ტკივილს;
- ძილისას თავის შედარებით მაღლა მოთავსება - ეს ხელს უწყობს სეკრეტის დრენირებას და ამცირებს მის შეგუბებას
ცხელების შემთხვევაში(38 გრადუსი ან მეტი), საჭიროა ექიმთან კონსულტაცია, რადგან ეს ინფექციაზე მიუთითებს.
