10 ნაბიჯი ჯანსაღი კვებისკენ
ჯანსაღად და სწორად კვების მისაღწევად კი რამდენიმე ნაბიჯი უნდა გადავდგათ:
- დააბალანსეთ კალორიები - კალორიების რაოდენობის დღიური საჭიროების გაგება წონის მართვის პირველი ნაბიჯია. კალორიების დაბალანსებაში ასევე დაგეხმარებათ ფიზიკური აქტივობა
- თავი შეიკავეთ დიდი ულუფების მიღებისგან - განსაზღვრეთ საკვების ულუფა, გამოიყენეთ უფრო პატარა თეფშები, ჭიქები. გარეთ კვებისას ეცადეთ აირჩიოთ მცირე პორცია.
- ისიამოვნეთ საკვებით - სწაფად ჭამა ან ყურადღების სხვა რამეზე გადატანა შეიძლება ზედმეტი კალორიების მიღების მიზეზი გახდეს. დააკვირდით შიმშილისა და დანაყრების მინიშნებებს.
- თეფშის ნაწილი დაუთმეთ ხილსა და ბოსტნეულს - სხვა ბოსტნეულთან ერთად აირჩიეთ ნარინჯისფერი, წითელი, მწვანე ბოსტნეული, მაგალითად, პომიდორი, ბროკოლი. რაციონში დაამატეთ ხილი.
- ხშირად მისაღებ საკვებში უნდა შედიოდეს - მეტი ხილი და ბოსტნეული, მარცვლეული, ნაკლებად ცხიმიანი რძის პროდუქტები. ეს პროდუქტები მდიდარია ვიტამინებით და ორგანიზმისთვის აუცილებელი ნივთიერებებით. ისინი ძირითადი საკვებისა და წახემსების აუცილებელი ნაწილი უნდა იყოს.
- მიირთვით მთლიანი მარცვლეული - მაგალითად თეთრი პურის ნაცვლად მიირთვით დაცეხვილი ხორბლის პური.
- აირჩიეთ დაბალცხიმიანი რძე - რძე კალციუმის კარგი წყაროა, თუმცა უმჯობესია ნაკლებცხიმიანი რძის მიღება, რადგან მასში ნაკლები რაოდენობით შედის კალორიები და ნაჯერი ცხიმები.
- აირჩიეთ ნაკლები ნატრიუმის შემცველი პროდუქტები - ამისთვის, საკვების შეძენისას ყურადღება მიაქციეთ ეტიკეტებს, რომელზეც უნდა ეწეროს ,,დაბალი ნატრიუმი“ ან ,,მარილის დანამატის გარეშე“
- ჩაანაცვლეთ ტკბილი სასმელები მეტი წყლით - მეტი წყლის და დაუმტკბარი სასმელების მიღება დაგეხმარებათ კალორიების შემცირებაში, ვინაიდან გაზიანი, ენერგერიკული სასმელები დამატებითი შაქრის ერთ-ერთი მთავარი წყაროა.
- მოერიდეთ საკვებს რომელიც - შეიცავს მყარ ცხიმებს,დამატებულ შაქარს და მარილს. მაგალითად, ნაყინი, ნამცხვრები, ტკბილეული, პიცა, ცხიმიანი საკვები, ბეკონი, სოსისი. ასეთი საკვების ყოველდღიური მოხმარება არ არის რეკომენდებული.