რა ფუნქციებს ასრულებს ღვიძლი და როგორ დავიცვათ მისი ჯანმრთელობა
19.11.2022
ღვიძლი ადამიანის ორგანიზმის ყველაზე დიდი ჯირკვალია.
ღვიძლი უამრავ სასიცოცხლო პროცესში მონაწილეობს. მათ შორისაა:
- ნახშირწყლების მეტაბოლიზმი - გლუკოზის გლიკოგენად გარდაქმნა, გლიკოგენის გლუკოზად დაშლა, ამინომჟავებიდან და ცხიმოვანი მჟავებიდან გლუკოზის წარმოქმნა;
- ცილების მეტაბოლიზმი - ამინომჟავების სინთეზი, პლაზმის ცილების (გამა გლობულინის გარდა) სინთეზი, შედედების ფაქტორების სინთეზი, ამიაკისგან შარდოვანას წარმოქმნა;
- დეტოქსიკაცია - წამლების და დამაზიანებელი ნაერთების განეიტრალება და მათი დაშლის პროდუქტების გამოყოფა;
- ცხიმების მეტაბოლიზმი;
- ქოლესტეროლის სინთეზი და დაშლა;
- სტეროიდების მეტაბოლიზმი;
- ნაღვლის სინთეზი;
- გლუკოზის გლიკოგენის სახით შენახვა;
- ცხიმში ხსნადი(A, D, E, K) და წყალში ხსნადი (B1, B2, ფოლიუმის მჟავა) ვიტამინების, ცხიმოვანი მჟავების, მინერალების (რკინა, სპილენძი) შენახვა;
- ძველი ერითროციტების, სისხლის თეთრი უჯრედების, ბაქტერიებისა და სხვა ნაწილაკების დაშლა
ამ ფუნქციებიდან გამომდინარე, ჩვენი ორგანიზმის ჯანმრთელობა დიდწილად დამოკიდებულია ღვიძლის სრულფასოვან ფუნქციონირებაზე. იმისათვის, რომ დავიცვათ და გავუფრთხილდეთ ამ ორგანოს საჭიროა:
- წონის კონტროლი - ჭარბი წონა ხელს უწყობს ღვიძლის გაცხიმოვნებას, ანუ ღვიძლში გარკვეული ტიპის ცხიმების, ტრიგლიცერიდების პათოლოგიურ დაგროვებას;
- დაბალანსებული კვება - მოერიდეთ მაღალკალორიულ საკვებს, შაქარს, ნაჯერ ცხიმებს. მიიღეთ ხილი, ბოსტნეული,ნაკლებად ცხიმიანი რძის პროდუქტები;
- ფიზიკური აქტივობა - ვარჯიში ხელს უწყობს ტრიგლიცერიდების წვას;
- ალკოჰოლური სასმელების მოხმარების შემცირება;
- მოწევისგან თავის შეკავება;
- ჰიგიენის დაცვა - პირადი მოხმარების ნივთების გაზიარებისგან თავის შეკავება, ხელების დაბანა
