6 მითი პარკინსონის დაავადების შესახებ - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

6 მითი პარკინსონის დაავადების შესახებ

პარკინსონისთვის ძირითადად დამახასიათებელია ტრემორი (კანკალი), კოორდინაციის დარღვევა, მოძრაობის გაძნელება, სუნის შეგრძნების გაუარესება, ყლაპვის, სუნთქვის გაძნელება, ხასიათის ცვლილება და ძილის პრობლემები. დაავადება პროგრესირებადია და ზოგიერთ ადამიანში იწვევს დემენციას.

6 მითი პარკინსონზე:

1.პარკინსონი გავლენას ახდენს მხოლოდ მოტორიკაზე.

სიმართლეა, რომ სამედიცინო წრეებში პარკინსონის დაავადება მიჩნეულია, როგორც მოტორულ დისფუნქციად, თუმცა დაავადებული ადამიანები ხშირად განიცდიან სხვა არამოტორულ დარღვევებს, როგორიცაა: კოგნიტური შესაძლებლობების დაქვეითება ან დემენცია, დეპრესია, შფოთვა, ძილის ფუნქციების დარღვევა, ტკივილი, აპათია.

2. ტრემორი ყოველთვის პარკინსონის ნიშანია

ტრემორი პარკინსონის ყველაზე ცნობილი სიმპტომია, თუმცა ის შეიძლება იყოს სხვა დაავადების სიმპტომატიკის ნაწილიც, როგორიცაა დისტონია(შებოჭილობა), ფსიქოგენური დაავადებები, ვასკულარული პარკინსონიზმი.

3. ექიმებს ყოველთვის ზუსტად შეუძლიათ განსაზღვრონ დაავადების პროგრესირება

მიუხედავად იმისა, რომ ექიმებმა იციან პარკინსონთან დაკავშირებული სიმპტომების სპექტრი, რთულია დაავადების პროგრესირების განსაზღვრა და განვითარების ეტაპების პროგნოზი პაციენტებში. პარკინსონის დაავადების პროგრესირება და სიმპტომების განვითარება ინდივიდის ორგანიზმზეა დამოკიდებული, ხშირ შემთხვევაში სხვადასხვანაირად მიმდინარეობს და საჭიროებს ინდივიდუალურ მიდგომებს.

4. პარკინსონით დაავადებულ ყველა ადამიანს აღენიშნება ტრემორი

მიჩნეულია, რომ პაციენტების დაახლოებით 20%-ს არ აღენიშნება ტრემორი. მეცნიერებს სჯერათ, რომ ამის მიზეზი შესაძლოა იყოს ტვინის გარკვეულ უბანში დოფამინური რეცეპტორების დაზიანების ხარისხი. რაც ნაკლებადაა დაზიანებული რეცეპტორები, მით ნაკლებად აღინიშნება ტრემორი.

5. წამალი ერთადერთი სამკურნალო საშუალებაა

არსებობს მტკიცებულება, რომ ფიზიკურ აქტივობას შეუძლია შეამციროს სიმპტომების სიმწვავე და შეანელოს დაავადების პროგრესი. პარკინსონის ფონდის კვლევის მიხედვით, დაავადებულ პაციენტებში, რომელთაც ადრეული ნიშნების გამოვლენისთანავე დაიწყეს ფიზიკური აქტივობა კვირაში 2.5 საათი, შეინიშნებოდა სიცოცხლის ხარისხის გაუმჯობესება. კვლევებმა აჩვენა, რომ ვარჯიში არამარტო ამცირებს მოტორულ დარღვევებს, არამედ ეხმარება ძილის პრობლემების შემცირებაში და კოგნიტური ფუნქციების გაუმჯობესებაში.

6. პარკინსონი არის მომაკვდინებელი(ფატალური)

პარკინსონის ცალსახად მომაკვდინებელ დაავადებად მიჩნევა არასწორია. იგი არ განიხილება პირდაპირ მკვლელად. პარკინსონით დაავადებულ ადამიანებს შეუძლიათ ისევე დიდხანს იცოცხლონ, როგორც სხვა ნებისმიერ ადამიანს. ადეკვატური მკურნალობის და მართვის შემთხვევაში მათი ცხოვრების ხარისხი მაღალია. თუმცა, დაავადებული პირები, ისევე როგორც ნებისმიერი ქრონიკული დაავადების მქონე ადამიანები, ინფექციური დაავადებების განვითარების მაღალი რისკის ქვეშ იმყოფებიან.

მარიამ ფოლადაშვილი