მლაშე საკვების მოყვარულებს ბანანისა და ავოკადოს მიღებას ურჩევენ
ჩვეულებრივ რეკომენდებულია მარილის მოხმარების შეზღუდვა, მაგრამ ხშირად ამის გაკეთება რთილია. კალიუმი ორგანიზმს შარდთან ერთად მეტი მარილის გამოყოფაში ეხმარება.
მკვლევარებმა გაანალიზეს 58-59 საშუალო ასაკის 25 ათასი ადამიანის მონაცემები. კვლევის მონაწილეები პასუხობდნენ კითხვებს ცხოვრების წესზე და აბარებდნენ შარდის ნიმუშებს ანალიზისათვის. ამას გარდა მათ უზომავდნენ არტერიულ წნევას.
შარდში კალიუმის და ნატრიუმის შემცველობის მიხედვით მკვლევარები საზღვრავდნენ მონაწილეთა კვების ხასიათს. აღმოჩნდა, რომ ქალების რაციონში რაც მეტი იყო კალიუმით მდიდარი პროდუქტი, მით დაბალი არტერიული წნევა ჰქონდათ მათ. ამასთან განსაკუთრებით აშკარა იყო ეს ურთიერთკავშირი მარილის ჭარბად მომხმარებელ ქალებში. კალიუმის ყოველი დამატებითი გრამი უკავშირდებოდა სისტოლური წნევის 2,4 მმვწყსვ-ით შემცირებას. მამაკაცებში კალიუმის მოხმარებასა და არტერიულ წნევას შორის კავშირი არ იქნა აღმოჩენილი.
კვლევის მონაწილეების შესახებ ინფორმაცია გროვდებოდა 20 წლის განმავლობაში. ამ დროის მანძილზე მონაწილეთა 55% ჰოსპილტალიზირებული იქნა გულ-სისხლძარღვტა დაავადებების გამო. მკლვევარების გამოთვლებით კალიუმის მაღალი მოხმარების პირობებში ინფარქტის ან ინსულტის რისკი 13%-ით დაბალი იყო, ვიდრე მათთან ვინც ნაკლებ ბანანს, ავოკადოს ან ორაგულს იღებდა.
როდესაც მეცნიერებმა გაანალიზეს ცალ-ცალკე მამაკაცებისა და ქალების მონაცემები, რისკი შემცირებული იყო 7% და 11%-ით შესაბამისად, ამასთან რაციონში მარილის რაოდენობა ამ ურთიერთკავშირზე არ მოქმედებდა.
მიღებული შედეგები იმის მანიშნებელია, რომ კალიუმი ხელს უწყობს გულ-სისხლძარღვთა სისტემის ჯანმრთელობის შენარჩუნებას, მაგრამ განსაკუთრებით სასარგებლო ის აღმოჩნდა ქალებისათვის.
კალიუმს დიდი რაოდენობით შეიცავს ბოსტნეული, ხილი, ნიგოზი, პარკოსნები, რძის პროდუქტები და თევზი.