რატომ არის საშიში ხვრინვა
ეს ხდება სასუნთქ გზებში ქსოვილების მოცულობის ზრდის გამო, რაც თავის მხრივ სუნთქვისას მათ ვიბრაციას იწვევს. ხახის და ხორხის რბილი ქსოვილების მოცულობის ზრდა შესაძლებელია გენეტიკურად იყოს პირობადებული, მაგალითად გადიდებული ნუშურები, დიდი ზომის ადენოიდები, გრძელი რბილი სასა. ხვრინვა ხშირად ზურგზე წოლის დროს აღმოცენდება.
ამას გარდა ცხვირით თავისუფლად სუნთქვის ნებისმიერი გართულება შეიძლება იყოს ხვრინვის მიზეზი: ალერგია, სურდო, ცხვირის ძგიდის გამრუდება.
ხვრინვის მიზეზი ასევე შეიძლება იყოს ხანგრძლივად ალკოჰოლის ან სიგარეტის მოხმარება, ზოგიერთი წამლის მიღების შედეგად სასის და ენის მოდუნება.
ხვრინვა აღინიშნება ძილის აპნოეს დროს. ამ შემთხვევაში საყურადღებოა ისეთი სიმპტომები, როგორიცაა:
- დღე გამოხატული ძილიანობა;
- დილაობით თავის ტკივილი;
- ყურადღების კონცენტრაციის სირთულეები;
- გაღიზიანებადობა და დეპრესია;
- ძილის დროს ჰაერის უკმარისობის შეგრძნება.
ხვრინვა აქვეითებს ძილის ხარისხს და მოქმედებს ახლობლების ძილზე. ხვრინვა არის ღამის აპნოეს სიმპტომი, რომელიც თვის მხრივ შეიძლება გახდეს არტერიული ჰიპერტენზიის, ინსულტის, გულის უკმარისობის, წინაგულების ფიბრილაციის და გულის იშემიური დაავადების აღმოცენების რისკ-ფაქტორი.
ამას გარდა, ცნობილია, რომ ძილის აპნოე ზრდის გრელინის (შიმშილის ჰორმონის) დონეს, რომელიც მონაწილეობს მადისა და სიმაძღრის გრძნობის რეგულაციაში.
ხვრინვის მკურნალობისა და ღამის აპნოეს პროფილაქტიკისათვის ძირითადია წონის დაკლება.
უარი უნდა ვთქვათ მავნე ჩვევებზე, საჭიროა შევამციროთ ალკოჰოლის მიღება, რადგანაც ის წარმოადგენს მიორელაქსანტს.