რომელია საუკეთესო გამაგრილებელი სასმელები
რადგანაც ის კიდევ უფრო მეტად პროვოცირებს წყურვილის შეგრძნებას.
წყურვილის შეგრძნების დაკმაყოფილებისათვის საუკეთესოა ჩვეულებრივი სასმელი წყალი. სურვილისამებრ შეიძლება დავუმატოთ ლიმონი, კიტრი ან კიდევ სხვა რამე.
შეიძლება დავამზადოთ ინდური გამაგრილებელი სასმელი სასი: წვრილად დაჭრილი ან გახეხილ ლაიმას, კიტრს, კოჭას და პიტნას უნდა დავასხათ წყალი და გავაჩეროთ. ის საკმაოდ პოპულარული სასმელია გახდომისთვისაც. მისი დალევა საღამოს სჯობს, რადგანაც პიტნას აქვს მომადუნებელი მოქმედება.
გამაგრილებელია ასევე ხილის მორსი, შაქრის გარეშე. თუ მორსს ვამზადებთ ალუბლის ან ბალისგან, ეს სასმელი სჯობს მივიღოთ საღამოს, რადგანაც აღნიშნული ხილი შეიცავს მელატონინს.
გამაგრილებელ, წყურვილის დასაკმაყოფილებელ სასმელად შეიძლება გამოვიყენოთ ასკილის ნაყენი. ის დიდი რაოდენობით შეიცავს С ვიტამინს და ასევე ხელს უწყობს სისხლის გათხელებას.
სიცხეში ბევრს მარილიანი საჭმელი უნდება, იმის გამო რომ სიცხეში წყლის გარდა ჩვენ ელექტროლიტებსაც ვკარგავთ.
ცივი სასმელის ალტერნატივა ცხელ ამინდში შეიძლება იყოს ცხელი მწვანე ჩაი. თუმცა მას აქვს როგორც დადებითი, ისე უარყოფითი მხარე. ერთის მხრივ ის შეიცავს ანტიოქსიდანტებს, რომელიც იცავს ორგანიზმს მზის მავნე გამოსხივების შედეგებისაგან, მეორეს მხრივ ორგანიზმის გაგრილება ხდება ცხელი სასმელის მიღების შედეგად ოფლის გამოყოფის გამო. ეს კი იმას ნიშნავს, რომ ორგანიზმიდან გამოდის წყალი. ამასთან მწვანე ჩაი აძლიერებს დიურეზს, ამიტომ შესაძლებელია გამოიწვიოს გაუწყლოება, რაც ცხელ ამინდში ძალიან საშიშია.
წყურვილის შეგრძნებას ამცირებს ციტრუსები. შეიძლება ლიმონის ან ლაიმის ნაჭერი ჩავიდოთ პირში. ციტრუსი აღიზიანების რეცეპტორებს, გამოიყოფა მეტი ნერწყვი და პირის გამოშრობის შეგრძნება ქრება. ცხადია ამ შემთხვევაში ორგანიზმის წყლით უზრუნველყოფა ვერ მოხერხდება, მაგრამ წყურვილის შეგრძნება შემცირდება.