მოწევა აორმაგებს გულის უკმარისობის რისკს
მკვლევარებმა გააანალიზეს 61-82 წლის ასაკის 9500 ადამიანის ჩანაწერები და აღმოაჩინეს, რომ ყოფილ მწველებში ნარჩუნდებოდა ნებისმიერი ტიპის გულის უკმარისობის რისკი სიგარეტისთვის თავის დანებებიდან მომდევნო 10 წლის განმავლობაში. სპეციალისტების განმარტებით ამგვარი შედეგები ამტიკიცებს, თუ რატომაა მნიშვნელოვანი თამბაქოზე უარის თქმა ბავშვებსა და ახალგაზრდებში.
არსებობს გულის უკმარისობის ორი ტიპი: განდევნის ფრაქციის დაქვეითებით და განდევნის ფრაქციის ფუნქციის შენარჩუნებით. განდევნის ფრაქციის დაქვეითებით არსებული გულის უკმარისობისას, მარცხენა პარკუჭი საკმარისი ხარისხით ვეღარ იკუმშება სისხლის გადატყორცნისას და ეს უფრო მეტადაა დაკავშირებული გულის იშემიურ დაავადებასთან. განდევნის ფრაქციის შენარჩუნებით მიმდინარე გულის უკმარისობისას, მარცხენა პარკუჭი საკმარისად ვერ დუნდება შეკუმშვის შემდეგ. ამ ტიპის უკმარისობის მკურნალობა შეზღუდულია, ხოლო მიზეზები ბოლომდე ცნობილი არ არის.
ბოლო 13 წლიანი დაკვირვებისას, კვლევაში დაფიქსირდა გულის უკმარისობის 1215 შემთხვევა. მათ შორის 492 განდევნის ფრაქციის დაქვეითებით და 555 განდევნის ფრაქციის შენარჩუნებით. არამწეველებთან შედარებით, ფრაქციის შენარჩუნების რისკი 2,28-ით, ხოლო ფრაქციის დაქვეითების 2,16-ჯერ მეტი იყო. დღის განმავლობაში მოწეული სიგარეტის რაოდენობა და მწეველობის სტაჟი ასევე გავლენას ახდენდა გულის უკმარისობის რისკზე.
ზოგადად, ყოფილ მწეველებს გულის უკმარისობის რისკი 36-ჯერ უფრო მაღალი ჰქონდათ არამწეველებთან შედარებით.
გულის უკმარისობა ერთერთი ყველაზე გავრცლებული, ინვალიდიზაციისა და სიკვდილიანობის გამომწვევი დაავადებაა განვითარებულ ქვეყნებში. გარდა თამბაქოს მოხმარებისა, გულის უკმარისობის რისკს ზრდის ასევე სიმსუქნე, ჰიპერტონული დაავადება, დიაბეტი, გულის იშემიური დაავადება და ხანდაზმული ასაკი.