რამდენიმე სასარგებლო რჩევა - როგორ უნდა მოიქცეთ მოწამვლისას
როგორ უნდა მოიქცეთ ამ დროს:
1) მიიღეთ ენტეროსორბენტი
მაგალითად, გააქტიურებული ნახშირი, სმექტა, ენტეროსგელი, პოლისორბი, პოლიფეპანი, ეს მედიკამენტები ბოჭავენ, ანეიტრალებენ და ორგანიზმიდან გამოდევნიან მოწამვლის გამომწვევ ტოქსინებს.
2) სვით რაც შეიძლება ბევრი წყალი
ამ დროს ორგანიზმისათვის აუცილებელია დიდი რაოდენობით სითხე, არანაკლებ 2 ლიტრისა.
3) დაიცავით წოლითი რეჟიმი
მოწამვლის (ინტოქსიკაციის) პირველ დღეებში სასურველია წოლითი რეჟიმი. თუ 2-3 დღეში დიარეამ არ გაიარა და სხეულის ტემპერატურამაც მოიმატა, უნდა მიმართოთ ექიმს!
4) დაიცავით დიეტა
მოწამვლის დროს არ არის რეკომენდებული ტკბილეულისა და თეთრი პურის ჭამა. ისინი ნაწლავებში დუღილს იწვევს. ზოგს ჰგონია, რომ მოწამვლის შემდეგ შიმშილობა აჩქარებს გამოჯანმრთელებას, რაც არასწორია, ორგანიზმს ტოქსინებთან ბრძოლისათვის ენერგია ესაჭიროება, შესაბამისად, შიმშილობა დაუშვებელია. მოწამვლისას ბევრი პროდუქტის მიღება შეგიძლიათ, ესენია ბანანი, მოხარშული ხორცი, ნატურალური ვაშლის პიურე, ბრინჯი და სხვა;