რჩევები მათ, ვისაც მჯდომარე სამუშაო აქვთ
ტანდეგობის დარღვევა, ძირითადად იწვევს ტკივილის სინდრომს, მალთაშუა თიაქარის, ხერხემლის კისრის ან გულმკერდის ოსტეოქონდროზის, მალთაშუა დისკების პროტრუზიის ან ფესვობრივი სინდრომის განვითარებას. ამ უკანასკნელის შემთხვევაში ხდება ზურგის ტვინის ფესვების შეშუპება.
უსიამოვნი შედეგების თავიდან ასაცილებლად, მნიშვნელოვანია მაგიდასთან სწორად ჯდომა. სკამი ახლოს უნდა იყოს მაგიდასთან მიწეული. ამ შემთხვევაში ზურგის მოხრის შესაძლებლობა ნაკლებადაა. ასევე არაა რეკომენდებული ლეპტოპის ან პლანშეტის დაწოლილ მდგომარეობაში ყურება.
ამას გარდა, მნიშვნელოვანია დასვენებისა და მუშაობის პერიოდების შეთავსება. კომპიუტერთან ხანგრძლივი ჯდომისას, საჭიროა დასვენების პერიოდი, როგორც ფიზიკურად, ასევე თვალის კუნთებისათვის დაძაბულობის მოსახსნელად. მნიშვნელოვანია ასევე დღის განმავლობაში ხელებისა და ხერხემლის კისრის ნაწილის მსუბუქი გავარჯიშება.