რატომ არის სასარგებლო ოფისებში ვერტიკალური ბაღები
ასეთი შედეგები აჩვენა ჰელსინკის უნივერსიტეტის სპეციალისტების მიერ ჩატარებულმა ექსპერიმენტულმა კვლევამ.
კვლევაში მონაწილეობდნენ ქალაქების ტამპერესა და ლახტის ოფისის თანამშრომლები. მონაწილეები შემთხვევითობის პრინციპით დაყვეს ორ ჯგუფად. პირველ ჯგუფს სამუშაო სივრცეში დაუყენეს ვერტიკალური ბაღები („მწვანე კედლები“) - სპეციალურ ვერტილაკურ კონსტრუქციებში განთავსებული ცოცხალი მცენრეების ერთობლიობა. ხოლო მეორე ჯგუფი (საკონტროლო) მუშაობდა ისეთ ოფისებში, სადაც ასეთი კედლები არ იყო.
ვერტიკალური ბაღების შესაქმნელად გამოიყენეს ისეთი მცენარეები, როგორიცაა ფილოდენდრონი, დრაცენა და ასპლენიუმი.
ყველა მონაწილეს სამჯერ (ექსპერიმენტის დაწყებამდე და ასევე ექსპერიმენტის დაწყებიდან ორი და ოთხი კვირის შემდეგ) აუღეს ნიმუშები სისხლის ანალიზისთვის და კანის ზედაპირის ნაცხი. უკვე ორ კვირაში მცენარეების გარემოში მომუშავე მოხალისეებში აღინიშნა კანის მიკრობიომის მნიშვნელოვანი გაუმჯობესება. მიკრობიომის შემადგენლობაში გამოჩნდა მეტი ლაქტობაქტერია, რომლიც ხელს უშლის კანის ინფექციების განვითარებას. ამას გარდა საკონტროლო ჯგუფთან შეფარებით, „მწვანე კედლებიანი“ ოფისების მოხალისეებში ერთი თვის შემდეგ, კანის მიკრობიომში გაიზარდა პროტეობაქტერიებისა და გამა-პროტეობაქტერიების მრავალფეროვნება. ეს ცვლილებები არა მარტო კანის სიჯანსაღის გაუმჯობესებაზე, არამედ ორგანიზმში ზოგადად ანთების დონის დაქვეითებაზე მეტყველებს.
მცენარეების გარემოცვაში მომუშავე მოხალისეების სისხლში გაიზარდა TGF-β1 ციტოკინის კონცენტრაცია, რაც ასახავს იმუნური სისტემის აქტივობის უფრო ეფექტურ რეგულაციას. ეს იმას ნიშნავს, რომ მცენარეებიან გარემოში ყოფნა ადამიანს იცავს აუტოიმუნური დაავადებების განვითარებისაგან.
მკვლევარების განცხადებით, „მწვანე კედლები“ იდეალური გადაწყვეტილებაა ოფისებისა და ქალაქის სხვა დახურული სივრცეებისათვის, რომელიც ბუნებასთან კონტაქტის წყალობით აჯანსაღებს კანს და აქვეითებს აუტოიმუნური დაავადებების განვითარების რისკს.