რატომაა კანისთვის მავნებელი სარეცხი ფხვნილი
ზოგიერთ შემთხვევაში სარეცხი ფხვნილი შეიძლება ადამიანის ჯანმრთელობისთვის საშიში აღმოჩნდეს.
სარეცხი ფხვნილი ადამიანის კანს აზიანებს მხოლოდ ეგზემის გამწვავების ან ხელის მტევნის მიდამოს კანის სხვა ანთებითი დაზიანების შემთხვევაში. ხელით რეცხვისას, კანის ქრონიკული ხასიათის დაავადებების არსებობის შემთხვევაში სარეცხი ფხვნილი გამოიწვევს კანის გაღიზიანებასა და სხვადასხვა სიმძიმის დაზიანებას.
ძალიან მნიშვნელოვანია ასევე გამოყენებული სარეცხი ფხვნილის ხარისხიც. შესაძლებელია რეცხვის შემდეგ გამოვლინდეს კანის ალერგიული რეაქცია დერმატიტის სახით. ამიტომ სპეციალისტები მოგვიწოდებენ სარეცხის და ჭურჭლის რეცხვისას გამოვიყენოთ რეზინის ხელთანათმანები.