ხორცის მოხმარება ზრდის კიბოს განვითარების რისკს
კვლევის შედეგები გამოქვეყნდა BMC Medicine-ში.
მეცნიერთა ჯგუფმა, კოდი კოტლინგის ხელმძღვანელობით, გააანალიზა 2006-2010 წ.წ. პერიოდში 472 377 ბრიტანელის მონაცემი. მონაწილეთა 52% ხორცსა და თევზს ღებულობდა კვირაში ხუთ- და მეტჯერ, 44% ხორცს ჭამდა კვირაში 5- და ნაკლებჯერ, ხოლო 4% იყო ვეგეტარიანელი ან ისინი, რომლებიც მხოლოდ თევზს მიირთმევდნენ. გამოირკვა, რომ ხორცისა და თევზის კერძების მომხმარებელთა 12% დაავადდა კიბოთი კვლევის პერიოდის განმავლობაში.
კიბოს საერთო რისკი 2%-ით ნაკლები იყო მათ შორის, ვინც კვირაში ხუთ- ან ნაკლებჯერ ღებულობდა ხორცს. მათთან, ვინც მხოლოდ თევზს ჭამდა, 10%-ით ნაკლები იყო კიბოს განვითარების რისკი, ხოლო ვეგეტარიანელებს შორის ონკოლოგიური დაავადების განვითარების რისკი 14%-ით ნაკლები აღმოჩნდა.
მკვლევარები აღნიშნავენ, რომ მათი შრომის შედეგები არ მოიცავს მიზეზ-შედეგობრივ კავშირს კვების რეჟიმსა და კიბოს განვითარებას შორის, რადგანაც მონაცემები შეკრებილი იყო დროის გარკვეულ მონაკვეთში და არა მონაწილეთა მთელი ცხოვრების განმავლობაში. მკვლევარები ასევე მიიჩნევენ, რომ მომავალში აუცილებელია ამ ურთიერთკავშირის უკეთ შესწავლა, დიდი რაოდენობით მოხალისეთა მონაწილეობით დროის უფრო ხანგრძლივ პერიოდში.
