როგორ გავიყუჩოთ ტკივილი - ცხელი კომპრესი შაკიკს და თირკმლის ჭვალს უხდება
მშრალი და სველი ცივი კომპრესები
მშრალი კომპრესები დოლბანდისა და ბამბის რამდენიმე ფენაა, ისინი გამოიყენება დამწვრობის, ჭრილობის, მოყინვის დროს, გარემოს ნეგატიური ზემოქმედებისა და მათში ჭუჭყისა და ბაქტერიების მოხვედრისაგან დამცავ საშუალებად. ასეთი კომპრესები სტერილური მასალისგან კეთდება.
ცივი კომპრესები გამოიყენება ადგილობრივად, ანთების, ნაღრძობის დროს. მას ასევე აკეთებენ დოლბანდისა და ბამბის რამდენიმე ფენის, ორად ან ოთხად მოკეცილი ხელსახოცისაგან. როგორც კი კომპრესი გათბება, ის უნდა შეიცვალოს ახლით. ასეთი კომპრესები გვეხმარება თავის ტკივილისა და გადაჭარბებული ნერვული აღგზნებისას. ასეთ შემთხვევაში მას ათავსებენ შუბლის არეში ან კისრის მიდამოში. ამ პროცედურის დროს ქვეითდება თავისკენ სისხლის მოდინება.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
სველი თბილი კომპრესები:
კომპრესების ეს სახეობა წყალში დასველებული გაწურული მრავალშრიანი ხელსახოცი ან დოლბანდია, მაგრამ, ამასთან, დამატებით სხვა მასალასაც იყენებენ.
სველ ხელსახოცს ზემოდან აფარებენ სპეციალურ კომპრესის ქაღალდს და მასზე ათავსებენ ნებისმიერ თბილ ქსოვილს. ასეთ კომპრესს იკეთებენ რამდენიმე საათით.
თბილი კომპრესი კარგი გამწოვი საშუალებაა და ამიტომ მას იყენებენ ადგილობრივად ანთებისას, ართრიტების, ბრონქიტების, ლარინგიტების, ტრაქეიტების, ფარინგიტებისას.
ცხელი კომპრესები გამოიყენება ტკივილგამაყუჩებლად:
კომპრესის ხელსახოცს ასველებენ ცხელ წყალში, სწრაფად წურავენ, იფარებენ საჭირო მიდამოში და აფიქსირებენ ქაღალდით, რის შემდეგაც ათბუნებენ და აფიქსირებენ ბინტის საშუალებით. 10-15 წუთის შემდეგ კომპრესს ცვლიან.
ამგვარი კომპრესები ეფექტურია შაკიკის დოს, რომელიც სისხლძარღვების სპაზმის ნიადაგზე ვითარდება, თირკმლის ჭვალისა და ნაწლავის მუსკულატურის სპაზმის დროს.
ცხელი კომპრესების მოქმედების შედეგად ქსოვილებში სისხლძარღვები ფართოვდება და ამის გამო ძლიერდება სისხლის მიდინება ქსოვილებში.
