თათია მარტიაშვილი

ისინი იდენტური არ არის

თუ თქვენ მკერდის ცალ მხარეს ბიუსტჰალტერი უფრო მჭიდროდ გაქვთ, არ გაიკვირვოთ.

ქალების 60%-ს მარცხენა მკერდი უფრო დიდი აქვთ, ვიდრე მარჯვენა. თუ ასიმეტრიული მკერდი გაქვთ - ეს სრულიად ნორმალურია.

ექსპერტებმა არ იციან, რა იწვევს მკერდის ზომის ცვალებადობას.

თუმცა მასზე საგრძნობლად მოქმედებს ჰორმონული ცვლილებები - მაგალითად, პუბერტუტული პერიოდი, ანუ გარდატეხის ასაკი, ასევე ორსულობა და მენოპაუზა.

ტრავმულმა დაზიანებამ და სიმსივნემ, ფიბროადენომამ - შეიძლება ასევე გამოიწვიოს ზომის ცვალებადობა.

ძუძუსთავების სტიმულაციამ შეიძლება ორგაზმი გამოიწვიოს

ძუძუსთავის პატარა სტიმულაცია ააქტიურებს ტვინის იმავე ზონას, რომელიც კლიტორული და ვაგინალური შეხებით აქტიურდება.

ეს გახლავთ სასქესო ორაგნოების მგრძნობელობის მარეგულირებელი სენსორული ქერქი, რომელიც კლიტორის, საშვილოსნოს ყელისა და საშოს სტიმულაციაზე რეაგირებს.

მისი სტიმულაცია ვაგინალურ ორგაზმს ზრდის.

მკერდი მუდმივად იცვლება

ნორმალურია, რომ თქვენი მკერდის ზომა და სიმკვრივე ასაკის მატებასთან ერთად იცვლებოდეს.

ახალგაზრდას უფრო მეტი ჯირკვლოვანი ქსოვილი აქვს მკერდში, ხოლო ასაკის მატებასთან ერთად ის უფრო ცხიმიან ქსოვილში გადადის.

სიმკვრივის ცვალებადობასა და დაქვეითებას ორსულობა, ძუძუთი კვება და წონის ცვლილება იწვევს.

ძუძუსთავების ფერი და ფორმა იცვლება

არ არსებობს სიტყვა „ნორმალური“ - რაიმე ნორმა, როდესაც საუბარია ძუძუსთავების ფერსა და ზომაზე.

ზოგიერთ ქალს აქვს ძალიან პატარა ძუძუსთავი და მცირე არეოლა, ხოლო ზოგს - დიდი არეოლა.

ის შეიძლება ასაკის მატებასთან ერთად, ასევე ორსულობის შემდეგ შეიცვალოს.

ორსულობის დროს ესტროგენებისა და პროგესტერონის უზარმაზარი რაოდენობა ამ ქსოვლის ზომის ზრდას და აღნიშნული ტერიტორიის მუქ შეფერილობას იწვევს. ამბობენ, რომ ფერი იცვლება, რათა პატარამ ძუძუთი კვების დროს, მარტივად ამოიცნოს ის.

ცუდი ბიუსტჰალტერი დაღლილობის მიზეზი შეიძლება გახდეს

დადგენილია, რომ ქალების 80%-ს არასწორი ზომის ბიუსტჰალტერი აცვია.

ასევე მნიშვნელოვანია სავარჯიშო ბიუსტჰალტერი. კარგად უნდა მოირგოთ ის, რომ ვარჯიშის დროს თქვენი მკერდის ქსოვილი არ დაზიანდეს.

ძუძუთი კვება დედისთვის სასარგებლოა

არამარტო ბავშვისთვის, დედისთვისაც სასარგებლოა ძუძუთი კვება.

ის ხელს უწყობს საშვილოსნოს ზომის შემცირებას. ლაქტაცია და საშვილოსნოს შეკუმშვა ერთი და იმავე ჰორმონის მიერ სტიმულირდება.

ეს არის ჰორმონი ოქსიტოცინი.

როდესაც ბავშვს ძუძუთი კვებავთ, გამოიყოფა ოქსიტოცინი და საშვილოსნო იკუმშება.

ის ეხმარება ჰორმონ პროლაქტინის გამოყოფას, ქალი მეტად მშვიდად გრძნობს თავს, მას შეუძლია დღიურად 500 კალორია დაწვას.

ფართო კვლევამ აჩვენა, რომ ძუძუთი კვება გულის შეტევისა და ინსულტის რისკს 10%-ით ამცირებს.

ის ასევე მშობიარობისშემდგომ სისხლდენას და საკვერცხის სიმსივნის განვითარების რისკს ამცირებს.